Íranar láta ekki skipa sér fyrir

Íranar segja kröfu Alþjóða kjarnorkumálastofnunarinnar um að þeir hætti að auðga úran vera marklaust hjal. Íranar segja kröfuna ólöglega en útiloka þó ekki að þeir kunni að hefja viðræður við stofnunina um kjarnorkuáætlun sína.

Hægriflokkarnir í meirihluta

Sænska stjórnarandstæðan mælist nú í fyrsta skipti í sjö ár með meira fylgi en stjórnarflokkarnir. Samkvæmt könnun sem birtist í Svenska Dagbladet njóta hægriflokkarnir stuðnings 49,3 prósenta kjósenda samanlagt en vinstriflokkarnir fengju 46,5 prósent atkvæða ef kosið væri nú.

Nætursýningar í Reykjavík

Næturhrafnar Reykjavíkur lentu í bíósjóræningjum um helgina, sem sýndu kvikmyndir utandyra hvar sem þeim datt í hug, víðsvegar um borgina. Aðfararnótt föstudags og laugardags læddust þrír ungir listnemar um borgina og sýndu kvikmyndir á húsveggjum og í skúmaskotum.

Næsland frumsýnd 1.október

Kvikmyndin Næsland, sem er nýjasta mynd Friðrik Þórs Friðrikssonar, gerð eftir handriti Huldars Breiðfjörð, verður frumsýnd í Háskólabíói 1.október næstkomandi.

Hefur ekki áhyggjur af þenslu

Sturla Böðvarsson samgönguráðherra telur af og frá að hætta þurfi við einstakar framkvæmdir vegna hættu á þenslu í hagkerfinu.

Allir snúa baki við Kattakonunni

Kattakonan Guðrún Stefánsdóttir stígur nú fram og segir sína hlið á hinni skrautlegu sögu sem rakin hefur verið í DV í sumar. Börn Guðrúnar og sægur af hundum og köttum hefur verið tekinn af henni. Hún segir bæði ættingja og vini hafa snúið við sér baki og almenning veitast að sér með fúkyrðum. Hún þrái aðeins fá börnin sín aftur og búa með dýrum í sveitinni.

Fundum lokið og verkfall skellur á

Samningafundi grunnskólakennara og launanefndar sveitarfélaga lauk nú fyrir stundu í húsakynnum sáttasemjara. Ekkert samkomulag er í sjónmáli og verkfall skellur því á nú á miðnætti. Næsti fundur er ekki boðaður fyrr en á fimmtudag.

Kennaraverkfall hafið

Rúmlega 43 þúsund grunnskólabörn þurfa að sitja heima í dag og næstu daga þar sem ekki tókst að leysa kjaradeilu kennara og sveitarfélaga. Samningafundi grunnskólakennara og launanefndar sveitarfélaga var slitið á tíunda tímanum í gærkvöld og hófst boðað verkfall 4.500 grunnskólakennara um land allt á miðnætti. Samningafundur er boðaður á fimmtudag.

Fylgi við stjórnarflokkana eykst

Samkvæmt könnun Fréttablaðsins bæta stjórnarflokkarnir við sig fylgi frá því í júlí. Framsókn nær tvöfaldar fylgi sitt. Flokkarnir hafa þó ekki náð sama fylgi og í síðustu kosningum og gætu ekki myndað ríkisstjórn ef gengið yrði til kosninga nú. Meirihluti segist andvígur ríkisstjórninni.

Þorgerður áhyggjufull

Verkfall kennara var rætt á ríkisstjórnarfundi í gær. "Þetta mál er á valdi sveitarfélaganna en ráðherrar í ríkisstjórninni létu í ljósi áhyggjur af yfirvofandi verkfalli," sagði Þorgerður Katrín Gunnarsdóttir menntamálaráðherra að loknum ríkisstjórnarfundi í gær.

Fimmtíu féllu í tveimur árásum

Um fimmtíu manns létu lífið í Írak í gær. Meirihluti fólksins féll þegar bandarískar herflugvélar gerðu loftárásir á hús í Falluja þar sem yfirstjórn Bandaríkjahers í Írak sagði vígamenn hafast við. Konur og börn voru þó nær helmingur þeirra sem féllu þar. Þá féllu fimm í sprengjutilræði sem var gert í Bagdad.

1321 umferðarlagabrot myndað í ár

Eftirlitsmyndavélar lögreglu á nokkrum fjölförnum gatnamótum Reykjavíkur hafa margsannað gagn sitt. Frá ársbyrjun og fram til síðustu helgar höfðu 799 ökumenn fengið sektartilkynningar vegna hraðakstursbrota og 523 vegna aksturs gegn rauðu ljósi.

Saddam vildi hefja framleiðlsu

Eins og hálfs árs leit Bandaríkjamanna að gereyðingarvopnum í Írak hefur engan árangur borið, hins vegar hafa fundist vísbendingar um að Saddam Hussein hafi haldið í vonina um að hefja á ný þróun og framleiðslu slíkra vopna þegar fram liðu stundir.

Mannekla veldur töfum

Embætti ríkislögreglustjóra hefur ekki tekið formlega ákvörðun um hvaða stefna verði tekin í rannsókn á máli Eignarhaldsfélagsins DB ehf., sem átti helmings hlut í Frjálsri fjölmiðlun.

Bruni í Ólafsvík

Frystihúsið Klumba í Ólafsvík brann til kaldra kola í nótt og er tjón metið á vel yfir hundrað milljónir króna. Tilkynning um eld í austurhluta hússins barst um hálf tvö í nótt en þegar slökkvilið kom á staðinn logaði mikill eldur í húsinu og breiddist hann hratt út.

Ekkert þokast á N-Írlandi

Friðarviðræður á Norður-Írlandi þokast ekkert, þrátt fyrir mikinn vilja þjóðarleiðtoganna Tonys Blairs og Berties Ahern, en þeir leiða viðræðurnar. Þeir hafa sett sér það markmið að ná samkomulagi fyrir hádegi, og vilja að írski lýðveldisherinn leggi niður vopn í von um að þannig megi bjarga samstjórn mótmælenda og kaþólikka.

Pútín ósáttur

Vladímír Pútín, forseti Rússlands, sakar Vesturlönd um að vera eftirlát við hryðjuverkamenn, og full af hræsni. Orð hans eru túlkuð sem lítt dulbúin gagnrýni að kröfur vestrænna stjórnmálaleiðtoga þess efnis, að Rússar setjist að samningaborði með tsjetsjenskum uppreisnarmönnum.

Hjólandi innbrotsþjófur á ferð

Maður var handtekinn skömmu eftir miðnætti í nótt eftir að hafa brotist inn í sjö bíla í og við miðbæ Reykjavíkur. Maðurinn fór um á hjóli við iðju sína, en það var árvökull vegfarandi sem tilkynnti um brot hans. Maðurinn gistir nú fangageymslur og verður yfirheyrður eftir hádegi.

Köhn neitað að predika

Rosmarie Köhn, fyrsta kvenbiskup Norðmanna, hefur verið neitað um að tala í kirkju í bænum Hareide á Sunnmæri. Henni var boðið að taka þátt í menningarhátíð sem kennd er við bæinn og en þegar kom að því að tala í kirkjunni sagð prestur staðarins einfaldlega nei.

23 deyja í Írak

Sjálfsmorðsárás kostaði 23 menn lífið fyrir utan höfuðstöðvar írakska þjóðvarðliðsins í borginni Kirkúk í morgun. 53 særðust og eru sumir þeirra þungt haldnir. Árásarmaðurinn ók bíl sínum upp að bakdyrum höfuðstöðvanna og sprengdi sig þar í loft upp.

23 dóu af völdum Ivans

Fjöldi látinna af völdum fellibylsins Ívan í Bandaríkjunum er nú kominn upp í 23. Áður hafði Ívan fellt að minnsta kosti sextíu manns á yfirreið sinni yfir Karíbahafið. Skemmdir af völdum Ívans í Bandaríkjunum eru taldar einhvers staðar á milli tveggja og tíu milljarða Bandaríkjadala.

Farþegaflug á ný í Írak

Írakska flugfélagið Iraqi Airways hóf í morgun farþegaflug á ný, eftir fjórtán ára hlé. Boeing 737 vél félagsins tók á loft frá alþjóðaflugvellinum í Amman í Jórdaníu og hélt til Bagdad. Sem stendur ræður félagið yfir einni vél, auk þess sem það á sex gamlar rellur á flugvellinum í Amman, sem eru sagðar nánast ryðgaðar í sundur.

Miðborgarskemmtun í dag

Það verður fjölbreytt dagskrá í miðborg Reykjavíkur í dag í tilefni Evrópskrar samgönguviku. Dagskráin stendur yfir frá hádegi og til klukkan fjögur. Meðal annars ætla Mikki refur og Lilli klifurmús að æfa sig í að fylgja umferðarreglunum ásamt krökkunum sem taka þátt í Umferðarskóla í húsakynnum Borgarbókasafnsins.

Stórfellt smygl á LSD

Lögreglu og tollgæslu hefur tekist að koma upp um stórfellt smygl á LSD ofskynjunarlyfinu. Karlmaður um þrítugt var handtekinn í Vestmannaeyjum vegna málsins og verður gæsluvarðhalds krafist yfir honum í dag.

Jóakim er partýdýr

Jóakim Danaprins er partýdýr, samkvæmt því sem sænska dagblaðið Expressen greinir frá. Þar segir að Jóakim sé þekktur á næturklúbbum Kaupmannahafnar, ekki síst fyrir að bregðast illa við þegar hann er beðinn um að borga. Barþjónn á einum af föstum viðkomustöðum Jóakims segir hann hrokafullan og að hann nýti sér óspart að vera konungborinn.

Blair var varaður við vanda í Írak

Tony Blair var varaður við því fyrir stríðið í Írak, að hersveitir yrðu að vera þar árum saman til að tryggja einhvers konar stöðugleika. Sérfræðingar breskra stjórnvalda töldu engar líkur á gereyðingarvopnum í Írak, og að ástæða stríðsáhuga Bandaríkjamanna væri vilji Bush forseta til að ljúka verki föður síns.

Enn ein sjálfsmorðsárásin

Sjálfsmorðsárás kostaði 23 menn lífið fyrir utan höfuðstöðvar írakska þjóðvarðarliðsins í borginni Kirkúk í morgun. Fjöldi fórnarlambanna var enn á táningsaldri. Þetta er þriðja mannskæða árásin á öryggissveitir Íraka í vikunni.

Aukin harka hjá Pútín og Tjetjenum

Sífellt meiri harka færist í málflutning Pútíns Rússlandsforseta og leiðtoga tsjetsjenskra uppreisnarmanna. Rússar íhuga forvarnarstríð, en segja hryðjuverkamennina hafa skilgreint vígvöllinn, sem sé allsstaðar.

Erfitt verk fyrir Ahern og Blair

Tíminn hleypur frá Tony Blair og Bertie Ahern, sem vildu endurvekja friðarsamkomulagið á Norður-Írlandi fyrir hádegi í dag. Engar líkur eru á að þeim takist ætlunarverk sitt, þar sem mikið ber í milli deilenda.

Bruni í Klumba í Ólafsvík

Gríðarlegt tjón varð þegar fiskverkun Klumba í Ólafsvík brann til grunna í nótt Tjónið er talið nema vel yfir hundrað milljónum króna. Leifur Halldórsson, sem er einn eiganda Klumba þar sem 25 manns störfuðu, segir þetta geysilegt áfall fyrir aðstandendur fiskverkunarinnar, byggðarlagið allt og fólkið sem unnið hafi við verknunina.

Á sjúkrahús eftir stuð úr myndavél

Drengur á sautjánda ári var í gær fluttur á sjúkrahúið á Selfossi með hjartsláttartruflanir eftir að jafnaldrar hans notuðu einnota myndavél til þess að gefa honum rafstuð. Drengurinn var síðar fluttur til Reykjavíkur á Barnaspítala Hringsins, en hefur nú verið útskrifaður þaðan.

Bush enn yfir í könnunum

George Bush forseti Bandaríkjanna, sem færa má rök fyrir að sé upphafsmaður vandræða kollega síns í Bretlandi, hefur talsvert forskot á John Kerry í nýjustu fylgiskönnunum vestanhafs. Í sameiginlegri könnun New York Times og CBS hefur Bush 51% fylgi en Kerry 42% fylgi.

Nader með í Florida

Neytendafrömuðurinn Ralph Nader fær að vera með á kjörseðlum í Florida, þrátt fyrir ítrekaðar tilraunir Demókrata til að fá hann ókjörgengann. Hæstiréttur Florida hafnaði í dag kröfum Demókrata um að Nader sé ólöglegur þar sem umbótasinnaflokkur hans sé ekki lengur alvöru flokkur. Úrskurður hæstaréttarins er mikið áfall fyrir Demókrata, sem munar um hvert atkvæði í hinu mikilvæga fylki, en Nader er einkum talinn kroppa atkvæði af Demókrötum. Til að mynda hefðu Demókratar aðeins þurft 537 atkvæði í Florida síðast þegar kosið var, en Nader fékk þá heil 97 þúsund atkvæði í fylkinu.

Blaðamönnum sleppt?

Tveir franskir blaðamenn, sem verið hafa í haldi mannræningja í Írak, losna líklega bráðum. Á Íslamskri heimasíðu segir að mannræningjarnir hafi ákveðið að láta blaðamennina lausa að ákveðnum skilyrðum uppfylltum, en ekki var nánar tilgreint hver þau væru.

Engar sættir

Stálinn stinn mættust í Leeds-kastala í Bretlandi þar sem deilendur á Norður-Írlandi reyndu að bjarga friðarsamkomulaginu frá 1998. Tony Blair og Bertie Ahern, forsætisráðherrar Bretlands og Írlands, reyndu hvað þeir gátu, en tortryggni og andúð komu í veg fyrir sættir.

Bush enn yfir

Bush Bandaríkjaforseti virðist enn þá hafa töluvert forskot á keppinaut sinn, John Kerry. Könnunum ber þó ekki saman og ýmislegt bendir til þess að óvissan sé í raun meiri en þær gefa til kynna.

Umfangsmikið LSD smygl upplýst

Karlmaður á þrítugsaldri var úrskurðaður í þriggja vikna gæsluvarðhald í dag í tengslum við umfangsmikið smygl á LSD ofskynjunarlyfinu.

Á spítala eftir rafstuð

Drengur á sautjánda ári frá Selfossi var í gær fluttur á Barnaspítala Hringsins með hjartsláttartruflanir eftir að jafnaldrar hans tóku í sundur einnota myndavél og gáfu honum rafstuð. Fikt með einnota myndavélar er orðið algengt meðal unglinga og getur það reynst stórhættulegt að sögn lögreglu.

Al-Zarqawi enn með hótanir

Hryðjuverkamaðurinn Abu Musab al Zarqawi hefur hótað að drepa breskan mann og tvo Bandaríkjamenn innan tveggja sólarhringa, verði ekki öllum írökskum kvenföngum sleppt. Á myndinni sést grímuklæddur maður lesa af blaði yfir gíslunum þrem, sem búið er að binda fyrir augun á.

Blair var varaður við

Tony Blair var varaður við því fyrir stríðið í Írak, að hersveitir yrðu að vera þar árum saman til að tryggja einhverskonar stöðugleika. Sérfræðingar breskra stjórnvalda töldu engar líkur á gereyðingarvopnum í Írak, og að ástæða stríðsáhuga Bandaríkjamanna væri vilji Bush forseta til að ljúka verki föður síns.

Aldrei stóð til að TM keypti

Forstjóri Tryggingamiðstöðvarinnar segir aldrei hafa staðið til að fyrirtækið fjárfesti í Skjá einum. Framkvæmdastjóri Skjás eins segist hafa átt fundi með Gunnlaugi Sævari Gunnlaugssyni stjórnarformanni TM vegna hugsanlegra kaupa, en aldrei fund með Gunnlaugi Sævari Gunnlaugssyni formanni útvarpsráðs Ríkisútvarpsins.

Umsækjendur fá ekki umsögn

Umsækjendur um stöðu hæstaréttardómara hafa enn ekki fengið umsögn Hæstaréttar í hendur. Hæstiréttur sendi dómsmálaráðuneytinu í gær umsögn sína um hæfi umsækjenda. Að minnsta kosti einn umsækjenda, Eiríkur Tómasson, hefur farið fram á að fá þá umsögn í hendur, en hann sagðist í dag ekki hafa fengið hana.

Allt stefnir í verkfall

Allt útlit er fyrir að verkfall grunnskólakennara skelli á eftir rúman sólarhring. Samninganefndir hafa setið á fundi í allan dag. Menntamálaráðherra óttast að skelli verkfall á, verði það langvinnt.

Auðvelt að komast að fjölda

Tiltölulega einfalt er að átta sig á því hversu margir bíða eftir plássi í framhaldsskólum og eins hvort að viðkomandi hafi sótt um í fleiri en einum skóla. Menntamálaráðherra virðist hins vegar ekki hafa áttað sig á því, en hún segir helstu ástæðu þess að ekki sé búið leysa úr vanda allra nemanda að upplýsingar liggi ekki fyrir.

Kona í Þjóðleikhússtjórann?

Helga Hjörvar og Viðar Eggertsson ættu einnig að vera á óskalista Þjóðleikhúsráðs yfir næsta Þjóðleikhússtjóra, að mati leiklistargagnrýnanda. Mestar líkur eru taldar á að kona verði valin, og að ráðherra telji sig ekki eins bundinn af óskum ráðsins, fyrst það valdi sex umsækjendur en ekki einn.