„Lykilmaðurinn“ Kol­beinn úr leik næstu vikurnar

Sænska félagið IFK Gautaborg greindi frá þessu í dag. Kolbeinn fór meiddur af velli í leik gegn Halmstad 18. apríl og nú hafa meiðslin verið greind. Félagið segir að endurhæfing sé hafin en að Kolbeinn verði frá keppni í nokkrar vikur.

Kolbeinn kom til Gautaborgar sumarið 2023 og hefur síðan skorað 14 mörk í 75 leikjum með liðinu. Hann byrjaði fyrstu þrjá leiki tímabilsins og er orðinn lykilmaður í liðinu, eins og það er orðað í grein Aftonbladet.

Meiðslalisti Gautaborgar lengist því enn og tímabilið hefst með afar slæmum hætti en liðið hefur aðeins fengið eitt stig úr fyrstu þremur leikjum sínum á tímabilinu. Liðið mætir Kalmar í dag. Á síðasta tímabili varð Gautaborg í 4. sæti og leikur liðið í undankeppni Sambandsdeildar Evrópu í sumar.