Jón Ólafs og Hildur Vala keyptu í Vestur­bænum

Hildur Vala og Jón seldu nýverið glæsilegt einbýlishús við Skerjagranda og er ljóst að þau vilja hvergi annars staðar búa en í Vesturbænum.

Eignin við Grenimel er 218 fermetrar á tveimur hæðum í húsi sem var byggt árið 1946 en hefur fengið gott viðhald í gegnum árin. Auk þess fylgir 24,5 fermetra bílskúr.

Stofa eldhús og borðstofa flæða saman í eitt í opnu og björtu rými með frönskum gluggum. Eldhúsið er einstaklega fallegt, prýtt ljósri innréttingu með góðu skápaplássi og stórri eldhúseyju með marmara á borðum. Á gólfum er gegnheilt parket. Útgengt er úr rýminu á stórar suðursvalir með stiga sem leiðir niður í garð.

Fallegur viðarstigi tengir efri hæð við jarðhæðina sem auðveldlega má breyta í séríbúð.

Samtals eru fimm svefnherbergi og tvö baðherbergi.