Örn Eld­járn kaupir hús Jóns Ólafs­sonar

Kaupsamningur var undirritaður þann 6. ágúst síðastliðinn. 

Um er að ræða 288 fermetra hús á þremur hæðum sem var byggt árið 1983. Eignin hefur verið mikið endurnýjuð á liðnum árum með smekklegum hætti. 

Miðhæðin skiptist í forstofu, opið og bjart stofurými, gestasnyrtingu, þvottahús og bílskúr. Eldhúsið er opið við stofu, prýtt stílhreinni hvítri innréttingu með góðu skápaplássi. Úr borðstofu er útgengt út í skjólsælan garð.

Teppalagður viðarstígi leiðir upp á efri hæð hússins sem skiptist í tvö barnaherbergi, rúmgott hjónaherbergi með fataskápum og flísalagt baðherbergi. Þar er einnig sjónvarpshol og góð lofthæð.

Kjallarinn er með sérinngangi og skiptist í þrjú svefnherbergi, opið alrými, flísalagt baðherbergi með sturtu og rúmgóða geymslu.