Ráðherra um af­sögn Helga Magnúsar og há­tíða­höld um land allt

Donald Trump Bandaríkjaforseti segir stefnt að því að binda enda á átök milli Írans og Ísraels í eitt skipti fyrir öll. Löndin hafa skotið eldflaugum hvort á annað síðan Ísraelsmenn gerðu umfangsmiklar loftárásir á Íran. Þegar hann ræddi við fjölmiðla í dag sagðist hann vera að horfa fram á, eitthvað miklu betra en vopnahlé, eins og hann orðaði það.

Þjóðhátíðardagur Íslendinga er haldinn hátíðlegur um land allt í dag. Fréttamaður okkar er á Austurvelli.

Reglugerð sem hefur gert veitingaömnnum í Reykjavík lífið leitt að undanförnu verður að óbreyttu felld úr gildi í vikunni. Heilbrigðiseftirlitið mótmælti breytingunum á sínum tíma.

Tónlistarhátíðinni Lóu sem átti að fara fram um helgina í Laugardal hefur verið aflýst. Rætt verður við skipuleggjanda hátíðarinnar sem segir slæmt veður í byrjun júní og ófyrirséðan kostnað hafa sett strik í reikninginn en hátíðin öðlast þó framhaldslíf í formi minni viðburða á næsta ári.