Innlent

Fær­eyingar gefa Grind­víkingum tíu milljónir

Rafn Ágúst Ragnarsson skrifar
Rauði krossinn þar í landi hefur staðið fyrir fjársöfnun undanfarna viku.
Rauði krossinn þar í landi hefur staðið fyrir fjársöfnun undanfarna viku. Vísir/Vilhelm

Færeyski Rauði krossinn hefur undanfarna viku staðið fyrir fjársöfnun til að styðja við Grindvíkinga vegna hamfaranna. Rauði krossinn tilkynnti í dag að hann muni gefa 250 þúsund danskar krónur.

Færeyska landsstjórnin ákvað þá að hún skyldi veita Grindvíkingum sömu upphæð og nemur stuðningurinn því hálfri milljón danskra króna eða um tíu milljón íslenskum krónum.

Kringvarpið hefur eftir Jóni Brynjari Birgissyni hjá Rauða krossinum íslenska að „færeysku vinir okkar séu alltaf tilbúnar að hjálpa.“

„Maður þarf aldrei að biðja um hjálp, þeir bjóða sig fram allir sem einn. Eins og vinir gera,“ bætir Jón Brynjar við.

Grindavík Færeyjar Eldgos á Reykjanesskaga

Mest lesið


Fleiri fréttir

Sjá meira


×

Mest lesið