Innlent

Hlín tekur við rektorsstöðunni af Berki

Jón Þór Stefánsson skrifar
Hlín Jóhannesdóttir tók við rektors stöðunni í Kvikmyndaskóla Íslands af Berki Gunnarssyni.
Hlín Jóhannesdóttir tók við rektors stöðunni í Kvikmyndaskóla Íslands af Berki Gunnarssyni. Vísir/Samsett

Hlín Jóhannesdóttir hefur tekið við stöðu rektors Kvikmyndaskóla Íslands af Berki Gunnarssyni. Þetta kemur fram i tilkynningu frá Berki sem var settur rektor fyrir rúmu ári síðan.

Hlín hefur verið fagstjóri framleiðsludeildar, starfsmannastjóri og konrektor Kvikmyndaskóla Íslands um ára skeið. Hún verður settur rektor fram í janúar 2024.

Í tilkynningunni er tekið fram að hún hafi framleitt fjölda kvikmynda á ferli sínum, nú síðast ásamt Lilju Ósk Snorradóttur myndina Einverur og Á ferð með mömmu, í leikstjórn Hilmars Oddssonar.

Þá er tekið fram að Börkur hafi verið með annan fótinn í Úkraínu frá því í sumar að vinna við gerð heimildarmyndar. Hann muni alfarið verða við þá vinnu í haust. Myndin mun fjalla um menningarbreytingar sem eru að eiga sér stað í Úkraínu.

Börkur hefur oft komið til Úkraínu og var kominn þangað skömmu eftir að stríðið braust út í fyrra og hefur komið reglulega síðan til að fylgjast með breytingunum í landinu.

Þó er tekið fram að Börkur muni snúa aftur til starfa sem kennari og fagstjóri í Kvikmyndaskólanum á næsta ári.

Kvikmyndagerð á Íslandi Skóla - og menntamál Vistaskipti Menning
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið