Gleði í miðbænum og skrautlegasta hinsegin-partíi bæjarins Sólrún Dögg Jósefsdóttir og Helena Rós Sturludóttir skrifa 12. ágúst 2023 21:15 Gleðigangan var gengin í góðu veðri í dag. Stöð 2 Landsmenn voru í sólskinsskapi í miðborg Reykjavíkur í dag þegar Hinsegin dagar náðu hápunkti með árlegri gleðigöngu. Samhljómur var í fólki um mikilvægi hátíðarinnar og áherslumál þessa árs, sem eru málefni trans fólks. „Þetta er náttúrlega bara fallegasti dagur sem við höfum fengið í langan tíma og sömuleiðis fallegasti fögnuður sem við eigum. Þið sjáið, það eru allir glaðir, allir hamingjusamir. Ég var að ganga í göngunni og hugsanirnar sem fara í gegnum hausinn á mér eru betri en margir margir sálfræðitímar,“ sagði Helgi Ómarsson, ljósmyndari og hlaðvarpsstjórnandi. „Við erum til“ Dan og Úlfur voru mætt til þess að fagna í dag.Stöð 2 „Við erum að fagna því að fá að vera opinberlega við sjálf og að geta eytt þessum tíma með community-inu okkar, sagði Dan Helgabur. Hán var ásamt Úlfi Sigurðarsyni mætt niður í bæ til þess að fagna fjölbreytileikanum. „Að vera opinberlega sýnileg og að sjá hversu margir eru að fagna okkur og fagna því að við erum hér, við erum sýnileg, við erum til og að berjast fyrir okkar réttindum,“ sagði Úlfur. Þörf áhersla á málefni trans fólks Gengið var fyrir ýmsa hópa innan hinsegin samfélagsins í dag, til að mynda eikynhneigða, intersex fólk, pankynhneigða og BDSM-hneigða en Eiríkur Ernir Þorsteinsson tilheyrði þeim hópi. „Ég hugsa að hápunkturinn fyrir mig, ég er að ganga fyrir BDSM á Íslandi í dag, að sjá öll glöðu andlitin sem fagna okkur þegar við erum að fagna okkur sjálfum,“ sagði Eiríkur. Sérstök áhersla var lögð á málstað trans fólks í ár og voru gestir sammála um að full þörf er á því. „Ég held að það sé alltaf þörf á að minna á öll mannréttindi. Sérstaklega núna þegar það lítur út fyrir það að það sé einhver viðspyrna við því sem að hefur gengið vel“ sagði Gulla Bjarnadóttir, gestur í gleðigöngunni. Aðrir gestir göngunnar tóku í sama streng í samtali við fréttamann. Litadýrð í heimahúsi Í Kvöldfréttum Stöðvar 2 var fréttakona stödd í hinsegin-gleðskap í tilefni dagsins, sem er sá allra skrautlegasti í bænum, eftir því sem fréttastofa kemst næst. Þau Sigsteinn Sigurbergsson, Thelma Hilmarsdóttir og Sigríður Ásdís Guðmundsdóttir eru skipuleggjendur veislunnar. Aðspurður segir Sigsteinn Sigurbergsson að veislan verði árlegur viðburður héðan í frá „Við byrjuðum á þessu í fyrra. Þá byrjuðum við svona lítið. Ég á litla stúdíóíbúð, ef það eru tólf þá er fullt. Þannig að ég ákvað að framlengja hana með tjöldum, og ég gerði það og nú passa sextíu,“ segir Sigsteinn. Sigsteinn, Thelma og Sigríður segjast ætla að skella í lás fyrir miðnætti í kvöld og fara á ball. Stöð 2 „Steini er náttúrlega bara stórtækasti maður lífs okkar. Hann gerði þetta einu sinni, hann vildi gera þetta meira og meira og í ár sagði hann, hey stelpur! við hittumst og málum vegginn í pride litunum,“ segir Thelma, aðspurð hvernig þau hafi farið að því að gera íbúðina svo skrautlega. „Við pöntuðum allt á netinu, við fórum á Instagram að safna. Það er ekkert sem Steini á ekki í pride-litunum nema klósettpappír. Við værum til í hann.“ Sigsteinn segir að að ýmislegt sé í bígerð, aðspurður hvort til standi að toppa veisluna á næsta ári. „Sigga er með hugmyndir, Thelma er með hugmyndir og ég er með hugmyndir. Og svo þurfum við að gera það jú.“ Mikið fjör var í veislunni þegar fréttamaður leit við.Stöð 2 Hann segir veisluna ekki eiga eftir standa yfir fram eftir nóttu. „Þetta verður til ellefu, tólf og svo ætlum við bara að skella okkur að ball, að sjálfsögðu,“ segir Sigsteinn. Rjómablíða í göngunni Vel viðraði í borginni til gleðigöngunnar en gífurlega mikill fjöldi fólks gerði sér leið í miðbæ Reykjavíkur til þess að fagna fjölbreytileikanum. Myndband af stemningunni í miðborginni má sjá hér að neðan. Hinsegin Málefni trans fólks Reykjavík Gleðigangan Mest lesið Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Innlent Heimilar banatilræði í Venesúela og íhugar árás Erlent Þingmenn misvel klæddir þegar þeir voru reknir út Innlent Fjöldi komst ekki út og brann lifandi Erlent Við gætum farið að aka Sundabraut eftir sjö ár Innlent Meintur brennuvargur í haldi lögreglu Innlent Réðst með hnífi á fanga á Litla-Hrauni Innlent Segir óvirðingu að kalla Ljósið „samtök úti í bæ“ Innlent Lést samstundis þegar ekið var á hana á 143 kílómetra hraða Innlent Greip inn í þegar aldraður faðir hans keypti bíl handa vinkonu sinni Innlent Fleiri fréttir Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Við gætum farið að aka Sundabraut eftir sjö ár Þingmenn misvel klæddir þegar þeir voru reknir út Meintur brennuvargur í haldi lögreglu Réðst með hnífi á fanga á Litla-Hrauni Norrænir bankar skoði hvort breyta þurfi skilmálum vegna dómsins Fimmtíu ný störf í Bláskógabyggð vegna nýs baðlóns Lífeyrissjóðs-, bíla- og neytendalán gætu líka reynst ólögleg Segir óvirðingu að kalla Ljósið „samtök úti í bæ“ Áhrif vaxtamálsins, útlit Sundabrautar og þingmenn á hlaupum Vill að Þórunn tilnefni Trump til friðarverðlauna Nóbels Sóttur sex sinnum á sjúkrabíl og slökkviliðið stefnir vegna skuldar Greip inn í þegar aldraður faðir hans keypti bíl handa vinkonu sinni Gummi Emil sver af sér ásakanir um dýraníð: „Ég bað hestinn afsökunar“ Biðtíminn sé dauðans alvara sem auki álag ofan í áfallið Álag á bráðamóttöku og fólk beðið um að leita annað Sigríður Andersen nýr þingflokksformaður Miðflokksins Karlmaður í haldi vegna gruns um brot gegn barni í Hafnarfirði Bankinn hefur samband ef hann skuldar þér pening Mál leiðbeinandans á Múlaborg á leið til héraðssaksóknara „Það er allt svart þarna inni“ Ekki láglaunakvenna að axla ábyrgð á innleiðingu kynjajafnréttis Íslandsbanki ætlar að hafa frumkvæði að endurgreiðslu til kúnna Lést samstundis þegar ekið var á hana á 143 kílómetra hraða Vilja þjóðfund um menntamál og framtíð landsins „Þessi málaflokkur er bara í drasli“ Þurrt og bjart suðaustan til og stinningskaldi í kortunum Nærliggjandi hús rýmt þegar eldur kom upp á Ásbrú í morgun Vildu bregðast við sterku ákalli fólks sem hafði misst skyndilega Endurkaupaáætlun fyrir Grindvíkinga kynnt eftir áramót Sjá meira
„Þetta er náttúrlega bara fallegasti dagur sem við höfum fengið í langan tíma og sömuleiðis fallegasti fögnuður sem við eigum. Þið sjáið, það eru allir glaðir, allir hamingjusamir. Ég var að ganga í göngunni og hugsanirnar sem fara í gegnum hausinn á mér eru betri en margir margir sálfræðitímar,“ sagði Helgi Ómarsson, ljósmyndari og hlaðvarpsstjórnandi. „Við erum til“ Dan og Úlfur voru mætt til þess að fagna í dag.Stöð 2 „Við erum að fagna því að fá að vera opinberlega við sjálf og að geta eytt þessum tíma með community-inu okkar, sagði Dan Helgabur. Hán var ásamt Úlfi Sigurðarsyni mætt niður í bæ til þess að fagna fjölbreytileikanum. „Að vera opinberlega sýnileg og að sjá hversu margir eru að fagna okkur og fagna því að við erum hér, við erum sýnileg, við erum til og að berjast fyrir okkar réttindum,“ sagði Úlfur. Þörf áhersla á málefni trans fólks Gengið var fyrir ýmsa hópa innan hinsegin samfélagsins í dag, til að mynda eikynhneigða, intersex fólk, pankynhneigða og BDSM-hneigða en Eiríkur Ernir Þorsteinsson tilheyrði þeim hópi. „Ég hugsa að hápunkturinn fyrir mig, ég er að ganga fyrir BDSM á Íslandi í dag, að sjá öll glöðu andlitin sem fagna okkur þegar við erum að fagna okkur sjálfum,“ sagði Eiríkur. Sérstök áhersla var lögð á málstað trans fólks í ár og voru gestir sammála um að full þörf er á því. „Ég held að það sé alltaf þörf á að minna á öll mannréttindi. Sérstaklega núna þegar það lítur út fyrir það að það sé einhver viðspyrna við því sem að hefur gengið vel“ sagði Gulla Bjarnadóttir, gestur í gleðigöngunni. Aðrir gestir göngunnar tóku í sama streng í samtali við fréttamann. Litadýrð í heimahúsi Í Kvöldfréttum Stöðvar 2 var fréttakona stödd í hinsegin-gleðskap í tilefni dagsins, sem er sá allra skrautlegasti í bænum, eftir því sem fréttastofa kemst næst. Þau Sigsteinn Sigurbergsson, Thelma Hilmarsdóttir og Sigríður Ásdís Guðmundsdóttir eru skipuleggjendur veislunnar. Aðspurður segir Sigsteinn Sigurbergsson að veislan verði árlegur viðburður héðan í frá „Við byrjuðum á þessu í fyrra. Þá byrjuðum við svona lítið. Ég á litla stúdíóíbúð, ef það eru tólf þá er fullt. Þannig að ég ákvað að framlengja hana með tjöldum, og ég gerði það og nú passa sextíu,“ segir Sigsteinn. Sigsteinn, Thelma og Sigríður segjast ætla að skella í lás fyrir miðnætti í kvöld og fara á ball. Stöð 2 „Steini er náttúrlega bara stórtækasti maður lífs okkar. Hann gerði þetta einu sinni, hann vildi gera þetta meira og meira og í ár sagði hann, hey stelpur! við hittumst og málum vegginn í pride litunum,“ segir Thelma, aðspurð hvernig þau hafi farið að því að gera íbúðina svo skrautlega. „Við pöntuðum allt á netinu, við fórum á Instagram að safna. Það er ekkert sem Steini á ekki í pride-litunum nema klósettpappír. Við værum til í hann.“ Sigsteinn segir að að ýmislegt sé í bígerð, aðspurður hvort til standi að toppa veisluna á næsta ári. „Sigga er með hugmyndir, Thelma er með hugmyndir og ég er með hugmyndir. Og svo þurfum við að gera það jú.“ Mikið fjör var í veislunni þegar fréttamaður leit við.Stöð 2 Hann segir veisluna ekki eiga eftir standa yfir fram eftir nóttu. „Þetta verður til ellefu, tólf og svo ætlum við bara að skella okkur að ball, að sjálfsögðu,“ segir Sigsteinn. Rjómablíða í göngunni Vel viðraði í borginni til gleðigöngunnar en gífurlega mikill fjöldi fólks gerði sér leið í miðbæ Reykjavíkur til þess að fagna fjölbreytileikanum. Myndband af stemningunni í miðborginni má sjá hér að neðan.
Hinsegin Málefni trans fólks Reykjavík Gleðigangan Mest lesið Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Innlent Heimilar banatilræði í Venesúela og íhugar árás Erlent Þingmenn misvel klæddir þegar þeir voru reknir út Innlent Fjöldi komst ekki út og brann lifandi Erlent Við gætum farið að aka Sundabraut eftir sjö ár Innlent Meintur brennuvargur í haldi lögreglu Innlent Réðst með hnífi á fanga á Litla-Hrauni Innlent Segir óvirðingu að kalla Ljósið „samtök úti í bæ“ Innlent Lést samstundis þegar ekið var á hana á 143 kílómetra hraða Innlent Greip inn í þegar aldraður faðir hans keypti bíl handa vinkonu sinni Innlent Fleiri fréttir Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Við gætum farið að aka Sundabraut eftir sjö ár Þingmenn misvel klæddir þegar þeir voru reknir út Meintur brennuvargur í haldi lögreglu Réðst með hnífi á fanga á Litla-Hrauni Norrænir bankar skoði hvort breyta þurfi skilmálum vegna dómsins Fimmtíu ný störf í Bláskógabyggð vegna nýs baðlóns Lífeyrissjóðs-, bíla- og neytendalán gætu líka reynst ólögleg Segir óvirðingu að kalla Ljósið „samtök úti í bæ“ Áhrif vaxtamálsins, útlit Sundabrautar og þingmenn á hlaupum Vill að Þórunn tilnefni Trump til friðarverðlauna Nóbels Sóttur sex sinnum á sjúkrabíl og slökkviliðið stefnir vegna skuldar Greip inn í þegar aldraður faðir hans keypti bíl handa vinkonu sinni Gummi Emil sver af sér ásakanir um dýraníð: „Ég bað hestinn afsökunar“ Biðtíminn sé dauðans alvara sem auki álag ofan í áfallið Álag á bráðamóttöku og fólk beðið um að leita annað Sigríður Andersen nýr þingflokksformaður Miðflokksins Karlmaður í haldi vegna gruns um brot gegn barni í Hafnarfirði Bankinn hefur samband ef hann skuldar þér pening Mál leiðbeinandans á Múlaborg á leið til héraðssaksóknara „Það er allt svart þarna inni“ Ekki láglaunakvenna að axla ábyrgð á innleiðingu kynjajafnréttis Íslandsbanki ætlar að hafa frumkvæði að endurgreiðslu til kúnna Lést samstundis þegar ekið var á hana á 143 kílómetra hraða Vilja þjóðfund um menntamál og framtíð landsins „Þessi málaflokkur er bara í drasli“ Þurrt og bjart suðaustan til og stinningskaldi í kortunum Nærliggjandi hús rýmt þegar eldur kom upp á Ásbrú í morgun Vildu bregðast við sterku ákalli fólks sem hafði misst skyndilega Endurkaupaáætlun fyrir Grindvíkinga kynnt eftir áramót Sjá meira