Lífið

Stjörnum prýdd aug­lýsing Mottu­mars

Bjarki Sigurðsson skrifar
Friðrik Dór Jónsson, Þorsteinn Bachmann, Björn Stefánsson, Jogvan Hansen og Ævar Þór Benediktsson sigruðu ekki Frestunarkeppnina í auglýsingunni.
Friðrik Dór Jónsson, Þorsteinn Bachmann, Björn Stefánsson, Jogvan Hansen og Ævar Þór Benediktsson sigruðu ekki Frestunarkeppnina í auglýsingunni.

Ný auglýsing Mottumars var frumsýnd í kvöld. Margir af frægustu leikurum, tónlistarmönnum og grínistum landsins birtast í myndbandinu en slagorð herferðarinnar í ár er „Ekki humma fram af þér heilsuna“.

Mottumars er árlegt átak Krabbameinsfélagsins í baráttu gegn krabbameini hjá körlum. Slagorðið í ár vísar til þess að karlmenn séu ekki nægilega duglegir að leita til læknis, þrátt fyrir að krabbameinseinkenni geri vart við sig. 

Samkvæmt rannsókn Krabbameinsfélagsins höfðu um helmingur íslenskra karla sem greindust með krabbamein fundið fyrir einkennum í þrjá mánuði eða lengur, áður en þeir leituðu til læknis. 14 prósent þeirra biðu í meira en ár.

Í nýrri auglýsingu fyrir herferðina, sem sjá má í spilaranum hér fyrir neðan, komu saman margir af frægustu leikurum, tónlistarmönnum og grínistum landsins. Þar má nefna Björgvin Franz Gíslason, Halldór Gylfason, Aron Can og Harald Þorleifsson. 

Klippa: Mottumars - Ekki humma fram af þér heilsuna

Í auglýsingunni fer fram Frestunarkeppni Íslands. Hver og einn er með borða um sig sem sýna hversu miklir frestarar þeir eru, til dæmis eru það Besti biðarinn, Hummari ársins, Hikari ársins og Dokari ársins. 

Að lokum er það Herra „kannski seinna“ sem sigrar keppnina áður en bent er á að þetta sé ekki keppni sem einhver vill vinna. 

Nánar má lesa um herferðina hér.


Tengdar fréttir

Forsetinn fékk fyrstu sokkana

Forseti Íslands tók í dag á móti fyrsta parinu af Mottumarssokkunum sem seldir eru til styrktar árlegu árvekni- og fjáröflunarátaki Krabbameinsfélagsins tileinkuðu krabbameinum hjá körlum.






Fleiri fréttir

Sjá meira


×