Erlent

Sex manna fjöl­skylda skotin til bana í Kali­forníu

Bjarki Sigurðsson skrifar
Frá árásarstaðnum.
Frá árásarstaðnum. Lögreglan í Tulare/AP

Sex manna fjölskylda, þar á meðal sex mánaða gamalt barn og sautján ára móðir barnsins, var skotin til bana í Kaliforníu-ríki í Bandaríkjunum í dag. Tveir eru grunaðir um morðin en þeir hafa ekki verið handsamaðir. 

Lögreglan í Tulare-sýslu greindi frá þessu í dag. Talið er að einhverjir í málinu tengist gengjastarfsemi en húsleit var gerð á heimilinu þar sem morðin áttu sér stað í síðustu viku. 

„Við teljum að þetta sé ekki handahófskennd árás. Við teljum að fjölskyldan hafi verið skotmarkið,“ hefur fréttaveita Reuters eftir Mike Boudreaux, lögreglustjóranum í Tulare. 

Lögreglan grunar tvo menn um verknaðinn en þeir hafa enn ekki verið handteknir. Lögreglan telur sig þó hafa vísbendingar um hvar má finna mennina. 

Bandaríkin Skotárásir í Bandaríkjunum
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið