Veður

Væta með köflum en all­víða bjart á Suður- og Vestur­landi

Atli Ísleifsson skrifar
Hiti á landinu verður á bilinu tvö til átta stig.
Hiti á landinu verður á bilinu tvö til átta stig. Vísir/Vilhelm

Það hefur smám saman dregið úr vindi í nótt, og í dag má reikna með norðaustan og austan fimm til fimmtán metrum á sekúndu, hvassast norðvestantil.

Þetta kemur fram á vef Veðurstofunnar. Reikna má með vætu með köflum, en að það verði þurrt og allvíða bjart á Suður- og Vesturlandi. Hiti verður á bilinu tvö til átta stig. 

„Á morgun gengur úrkomubakki inn yfir landið. Austan 10-18 m/s fyrri part dags og fer að rigna, en hægari og úrkomulítið um landið norðaustanvert. Það dregur úr vindi þegar líður á daginn. Síðdegis verður svo rigning víða um land, sums staðar talsverð úrkoma, en þá styttir líklega upp suðvestanlands,“ segir í hugleiðingum veðurfræðings.

Spákort fyrir klukkan 14 í dag.Veðurstofan

Veðurhorfur á landinu næstu daga

Á laugardag: Austan 10-18 m/s um morguninn og rigning með köflum, en hægari og úrkomuminna austanlands. Dregur síðan úr vindi víðast hvar. Norðaustan 5-15 síðdegis og rigning, talsverð úrkoma austast á landinu, en yfirleitt þurrt á Vesturlandi. Hiti 2 til 8 stig.

Á sunnudag: Austlæg eða breytileg átt 8-15 og rigning með köflum, en lægir allvíða með morgninum. Hiti breytist lítið.

Á mánudag: Vestan og norðvestan 5-13 og skúrir eða él, en þurrt á Suðausturlandi. Kólnandi, hiti um og yfir frostmarki síðdegis.

Á þriðjudag, miðvikudag og fimmtudag (fullveldisdagurinn): Snýst í milda suðlæga átt með vætusömu veðri, en lengst af úrkomulítið á Norður- og Austurlandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.