AS Roma hafði betur gegn Inter Milan í stórleik dagsins í ítölsku úrvalsdeildinni í fótbolta í dag.
Inter komst yfir með marki Federico Dimarco eftir hálftíma leik en Paulo Dybala var fljótur að jafna metin fyrir gestina frá Rómarborg.
Staðan var jöfn þar til á 75.mínútu þegar enski varnarmaðurinn Chris Smalling skoraði það sem reyndist sigurmark Roma.
Með sigrinum lyfti Roma sér upp í fjórða sæti deildarinnar þar sem liðið hefur sextán stig. Inter hins vegar í sjöunda sæti með tólf stig.
