Veður

Fremur svalt og rigning með köflum víða um land

Atli Ísleifsson skrifar
Spáð er hita á bilinu sjö til fjórtán stig á landinu í dag.
Spáð er hita á bilinu sjö til fjórtán stig á landinu í dag. Vísir/Vilhelm

Veðurstofan spáir norðaustan kalda og fremur svölu veðri í dag. Rigning með köflum um norðan- og austanvert landið, en skúrir suðvestanlands, einkum síðdegis.

Spáð er hita á bilinu sjö til fjórtán stig, þar sem hlýjast verður suðvestanlands.

„Austlæg eða breytileg átt 3-8 m/s og skúrir á víð og dreif á morgun, en norðaustan 8-13 með rigningu suðaustantil. Hiti yfirleitt 10 til 16 stig.

Á miðvikudag er útlit fyrir fremur hæga norðanátt. Dálítil væta austanlands og líklega þokuloft við norðurströndna. Bjart með köflum á suðvestanverðu landinu, en þar má búast við stöku síðdegisskúrum. Hiti 8 til 18 stig, hlýjast á Suðvesturlandi.“

Spákortið fyrir klukkan 14.Veðurstofan

Veðurhorfur á landinu næstu daga

Á þriðjudag: Gengur í norðaustan 8-13 m/s og fer að rigna suðaustanlands. Breytileg átt 3-8 og skúrir á víð og dreif í öðrum landshlutum, einkum síðdegis. Hiti 8 til 16 stig, hlýjast á Norðaustur- og Suðvesturlandi.

Á miðvikudag: Fremur hæg norðaustlæg eða breytileg átt. Dálítil væta suðaustan- og austanlands en annars úrkomulítið, hiti 8 til 12 stig. Bjart með köflum suðvestantil með hita að 18 stigum.

Á fimmtudag: Austlæg átt og víða skúrir, hiti 10 til 17 stig.

Á föstudag: Norðaustan- og norðanátt. Rigning með köflum, en úrkomulítið vestanlands. Hiti 8 til 17 stig, hlýjast um landið suðvestanvert.

Á laugardag: Norðvestanátt og skúrir. Kólnar heldur norðvestanlands.

Á sunnudag: Útlit fyrir vestlæga átt með smáskúrum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.