„Því miður fóru viðræður um nýjan samning út um þúfur síðasta haust. Það flækir stöðuna töluvert þegar maður heyrir ekkert frá ágúst og þangað til í janúar,“ sagði Rüdiger í pistli sem ber heitið „Kæra Chelsea“ og var birtur á vefnum The Player´s Tribune.
'I leave this club with a heavy heart. It has meant everything to me.'@ToniRuediger says thank you and goodbye to @ChelseaFC.https://t.co/Fqj9cahssx
— The Players' Tribune (@PlayersTribune) May 20, 2022
Í pistlinum fer hinn 29 ára gamli miðvörður yfir stöðu mála.
„Eftir að Chelsea lagði fyrst fram tilboð þá leið langur tími þar sem ekkert gerðist. Við erum ekki vélmenni. Það er ekki hægt að lifa í óvissu mánuðum saman. Það sá enginn fyrir þær hömlur sem settar yrðu á félagið (og eiganda þess, Roman Abramovich, vegna innrásar Rússlands í Úkraínu) en staðan varð fljótt þannig að stór félög innan Evrópu sýndu mér mikinn áhuga og ég varð að taka ákvörðun.“
„Ég ætla ekki að segja meira en ég hef ekki slæman hlut að segja um Chelsea,“ sagði Rüdiger að lokum.
