Enski boltinn

Af­staða Abramo­vich ekki breyst | Vill ekki fá lánið borgað til baka

Runólfur Trausti Þórhallsson skrifar
Ekkert hefur breyst.
Ekkert hefur breyst. AP/Matt Dunham

Roman Abramovich, eigandi Chelsea, segir ekkert hæft í þeim sögusögnum að hann vilji fá það fjármagn sem hann hafi „lánað“ Chelsea á meðan hann var eigandi félagsins til baka þegar salan á félaginu gengur í gegn.

Þetta kemur fram í yfirlýsingu sem birtist á vef Chelsea.Þar segir talsmaður Abramovich að ekkert sé til í því að rússneski auðjöfurinn ætli sér að svíkja loforð um að hagnaður sölunnar á Chelsea fari til góðgerðamála. 

Sama á við um þær sögusagnir að Roman vilji fá peninginn til baka sem hann hafi sett í Chelsea síðan hann keypti félagið árið 2003. Talið er að Abramovich hafi alls „lánað“ Chelsea rúmlega einn og hálfan milljarð punda á þeim tíma.

Í yfirlýsingunni segir að sjálfstæðir aðilar vinni nú að sölunni, fólk tengt góðgerðasamtökum sem sjái til þess að staðið sé við öll loforð og allt sé gert eftir bókinni. Abramovich sjálfur hefur ekki komið nálægt neinu tengdu sölunni á Chelsea.

Þá segir einnig að það sé rangt að Roman hafi beðið um hærra verð fyrir félagið á síðustu stundu. 

Í von um að finna réttan eiganda til lengri tíma hafi Roman hins vegar beðið um staðfestingu að nýr eigandi myndi leggja ákveðið fjármagn í yngri lið félagsins, kvennaliðið, uppbyggingu heimavallar liðsins og góðgerðasamtökin sem Chelsea rekur.

Yfirlýsinguna í heild sinni má lesa hér.


Tengdar fréttir

Jarðeigandi á Íslandi með tilboð í Chelsea

Breski auðkýfingurinn Jim Ratcliffe, sem þekktur er hérlendis fyrir jarðakaup sín, hefur bæst í hóp þeirra sem lagt hafa fram tilboð í enska knattspyrnufélagið Chelsea.

Petr Čech: „Við vitum ekki svörin við sjálf“

Petr Čech, tæknilegur ráðgjafi Chelsea og fyrrum leikmaður liðsins, var í viðtali við Sky Sport fyrir leik liðsins gegn Newcastle í ensku úrvalsdeildinni. Čech var mikið spurður út í óvissu skýið sem gnæfir yfir Chelsea þessa dagana en hann sagðist sjálfur vera að leita af svörum.

„Tími Abramovich hjá Chelsea hefur verið jákvæður“

Patrick Vieira, knattspyrnustjóri Crystal Palace, sagði á fréttamannafundi liðsins fyrir leikinn gegn Manchester City á morgun að fótboltaheimurinn ætti að muna eftir Roman Abramovich fyrir allt það góða sem hann hefur gert.

Abramovich bannaður frá enskum fótbolta

Enska úrvalsdeildin gaf út tilkynningu rétt í þessu að deildin hafi bannað Abramovich frá frekari aðkomu að deildinni sem stjórnandi Chelsea.

Nike mun standa við samning sinn við Chelsea

Íþróttavörurisinn Nike hefur staðfest að félagið mundi standa við gerðan samning við enska knattspyrnuliðið Chelsea. Mörg fyrirtæki hafa rift samningi sínum við félagið eftir að allar eignir Romans Abramovich, eiganda Chelsea, í Englandi voru frystar.

Banka­reikningum Chelsea lokað tíma­bundið

Bankareikningum enska knattspyrnufélagsins Chelsea hjá Barclays-bankanum hefur verið lokað tímabundið. Er þetta enn eitt höggið sem félagið verður fyrir eftir að breska ríkisstjórnin ákvað að banna Roman Abramovich, rússneskum eiganda félagsins, að eiga í viðskiptum innan Bretlands.

Íþróttaheimurinn bregst við innrás Rússa

Viðbrögð við innrás Rússa í Úkraínu hafa ekki látið á sér standa. Þjóðir, einstaklingar, fyrirtæki og fleiri hafa keppst um að sýna samstöðu með Úkraínu en Íþróttahreyfingin út um allan heim hefur einnig brugðist harkalega við, hér að neðan má sjá samantekt af viðbrögðum félaga, sambanda og leikmanna hingað til.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.