Enski boltinn

Abramovich staðfestir að hann vilji selja Chelsea

Atli Arason skrifar
Chelsea eru ríkjandi Evrópumeistarar
Chelsea eru ríkjandi Evrópumeistarar Getty Images

Chelsea og Roman Abramovich voru rétt í þessu að gefa út tilkynningu þess efnis að rússneski auðkýfingurinn hygðist selja félagið.

„Ég vil mæta þeim vangaveltum sem hafa verið í fjölmiðlum síðustu daga varðandi eignarhald mitt á Chelsea. Eins og ég hef sagt áður þá hef ég alltaf tekið ákvarðanir með hagsmuni félagsins fyrir brjósti. Í núverandi ástandi þá hef ég því ákveðið að ég muni selja félagið, þar sem ég tel það í bestu hagsmunum fyrir Chelsea, stuðningsmenn, starfsfólk og styrktaraðila félagsins,“ segir Roman Abramovich í tilkynningu Chelsea.

Sala félagsins mun ekki fara fram í flýti né mun Abramovich biðja um að persónuleg lán hans til Chelsea verði endurgreidd. Sérstakur góðgerðarsjóður verður settur á lagnirnar og mun allur ágóði sölunnar renna til góðgerðarsjóðsins sem mun vera notaður til stuðnings allra fórnarlamba stríðsins í Úkraínu.

„Þetta hefur verið afar erfið ákvörðun fyrir mig og það er erfitt fyrir mig að yfirgefa félagið með þessum hætti. Hins vegar tel ég þetta vera rétta ákvörðun fyrir félagið,“ er haft eftir Abramovich.

 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.