Íslandsvinurinn og jarðeigandinn ekki búinn að gefast upp að eignast Chelsea

Chelsea er nú til sölu eins og frægt er vegna það að eftir innrás Rússa í Úkraínu þá þvingaði breska ríkisstjórnin Rússann Roman Abramovich til að selja félagið vegna tengsla hans við Vladímír Pútin og rússnesk yfirvöld.

Sir Jim er einn ríkasti maður Bretlands en hann er meirihlutaeignandi í efnifyrirtækinu Ineos og hefur sýnt fram á mikinn áhuga á íþróttum með því að kaupa nokkur íþróttalið.

Hann á aftur á móti eftir að eignast fótboltalið í heimalandi sínu og þegar allir voru búnir afskrifa tilboð frá honum og útboðsglugganum hafði í raun verið lokað þá sendi hann óvænt inn risatilboð upp á 4,25 milljarða punda eða um 696 milljarða íslenskra króna.

Ratcliffe ræddi tilboðið sitt í viðtali við breska ríkisútvarpið og um þá staðreynd að því hefði nú verið hafnað. Hann talaði um slæm samskipti en veitti væntanlega viðtalið til að koma sínum hugmyndum á framfæri og setja pressu á sölunefndina.

Tilboð frá fjárfestingahóp undir forystu Todd Boehly, eignandi hafnarboltaliðsins LA Dodgers, er sagt vera það útvalda í söluferlinu en það hefur þó ekki verið tilkynnt formlega.

Ratcliffe spilar út breska spilinu í viðtalinu. „Þeir ættu að íhuga tilboð frá Bretlandi,“ sagði Sir Jim Ratcliffe í viðtalinu.

Ratcliffe segir að sinn hópur hafi átt jákvæðar viðræður við bresk yfirvöld en að hann hafi ekki rætt við núverandi eiganda Chelsea, Roman Abramovich.

„Við höfum talað við Raine og hittum þau í lok síðustu viku. Við kynntum okkar tilboð en höfum heyrt mjög lítið síðan,“ sagði Ratcliffe.

„Mín skilaboð til Raine er að ekki slá okkar tilboð út af borðinu. Við erum bresk og ætlum okkur að gera frábæra hluti með Chelsea. Ef ég væri Raine þá myndi ég ekki loka neinum dyrum,“ sagði Ratcliffe.

En af hverju kom tilboðið hans svona seint? „Það er frekar einfalt svar við því. Það er risastór ákvörðun að kaupa þjóðareign og þetta er stór skuldbinding bæði hvað varðar tíma og peninga. Við erum mætt til að vera hér til langframa. Það er mikil ábyrgð og það tekur tíma að komast að slíkri ákvörðun til að gera hana af fullum hug,“ sagði Ratcliffe en hvaðan kemur áhugi hans á Chelsea fótboltaliðinu?

„Ég á hús í Chelsea og hef búð í Chelsea í mörg ár. Ég hef verið ársmiðahafi í mörg ár og fyrirtæki mitt er með aðsetur í Chelsea. Þegar við horfum síðan á alla myndina þá er fótbolti stærsta íþróttin í heimi, breska deildina er stærsta deildin í heiminum og Chelsea er eitt af bestu liðunum í þeirri deild,“ sagði Ratcliff.

Það má horfa á allt viðtalið við hann hér.