Innlent

Enn fjölgar sjúk­lingum á Land­spítala með Co­vid-19

Atli Ísleifsson skrifar
Meðalaldur innlagðra með Covid-19 er 70 ár.
Meðalaldur innlagðra með Covid-19 er 70 ár. Vísir/Vilhelm

77 sjúklingar liggja nú inni á Landspítalanum með Covid-19 og hefur þeim fjölgað um átta á milli daga. Karlmaður á níræðisaldri með Covid-19 lést á legudeild á spítalanum í gær.

Þetta kemur fram í tilkynningu á vef Landspítalans þar sem farið er yfir stöðuna á spítalanum með tilliti til Covid-19.

Af þeim 77 sem nú liggja inni með Covid-19 eru fjórir á gjörgæslu og einn þeirra í öndunarvél. Meðalaldur innlagðra er 70 ár.

Greint var frá því í gær að 69 sjúklingar væru inniliggjandi á Landspítalanum með Covid-19 og 81 á sjúkrahúsum á landinu í heild sinni.

Alls hafa nú 77 látist á Íslandi vegna Covid-19.

Landspítalinn er nú á neyðarstigi. Af þeim sökum eru enn í gildi umfangsmiklar sýkingavarnir á spítalanum, þar á meðal er algjör grímuskylda og heimsóknarbann nema með sérstökum undantekningum.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.