Arna og Álfur vilja verða formaður Samtakanna '78

Árni Sæberg skrifar 20. febrúar 2022 21:11

Arna Magnea Danks og Álfur Birkir Bjarnason sækjast eftir formannssætinu. Samtökin '78

Arna Magnea Danks og Álfur Birkir Bjarnason sækjast eftir því að verða formaður Samtakanna '78, félags hinsegin fólks á Íslandi. Kosið verður 6. mars næstkomandi en atkvæðagreiðsla utan kjörfundar hefst á skrifstofu Samtakanna ’78 á morgun.

Arna Magnea Danks, leikkona, áhættuleikstjóri og kennari, og Álfur Birkir Bjarnason, landvörður og líffræðinemi sækjast eftir formannssætinu en núverandi formaður, Þorbjörg Þorvaldsdóttir, gefur ekki kost á sér að nýju eftir þriggja ára formannssetu.

Ásamt þeim Örnu og Álfi sækjast fimm eftir þremur sætum í stjórn samtakanna. Þau eru:

Anna Íris Pétursdóttir
Ásgeir Ásgeirsson
Bjarndís Helga Tómasdóttir
Mars M. Proppé
Vera Illugadóttir

Þau sækjast eftir formanns- og stjórnarsætum í Samtökunum '78.Samtökin '78

Helgina 5. og 6. mars standa samtökin fyrir Landsþingi hinsegin fólks. Þar verður fjöldi viðburða, málstofa og erinda, og eru öll hjartanlega velkomin, að því er segir í tilkynningu frá Samtökunum.

Hinsegin Félagasamtök

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.