Hefur skipað starfshóp um umbætur á húsnæðismarkaði

Viktor Örn Ásgeirsson skrifar 17. febrúar 2022 17:19

Forsætisráðherra hefur nú skipað starfshóp um umbætur á húsnæðismarkaði. Starfshópnum ber að kynna tillögur að aðgerðum á markaðinum fyrir þann 30. apríl næstkomandi.

Verkefni hópsins eru að fjalla um leiðir til að auka framboð og stöðugleika á húsnæðismarkaði til að mæta uppsafnaðari og fyrirsjáanlegri íbúðaþörf ólíkra hópa, bæði til lengri og skemmri tíma. Þetta kemur fram í tilkynningu frá Stjórnarráði Íslands.

Í tilkynningunni segir að starfshópnum beri að kynna stjórnvöldum og samtökum á vinnumarkaði „heildstæða lausn á viðfangsefnum sínum og tillögur að aðgerðum“ fyrir 30. apríl á þessu ári.

Forsætisráðherra sagði í samtali við frétastofu í síðustu viku húsnæðisskort blasa við og grípa þyrfti til aðgerða til að auka framboðið. Verkefni hópsins verði sérstaklega að horfa á framboðshliðina og skoða stöðu þeirra sem höllustum fæti standa þegar kemur að húsnæðismarkaðnum.

Eftirfarandi skipa starfshóp Katrínar Jakobsdóttur forsætisráðherra:

Anna Guðmunda Ingvarsdóttir, formaður, án tilnefningar
Gísli Gíslason, formaður, án tilnefningar
Henný Hinz, f.h. forsætisráðherra
Ingilín Kristmannsdóttir, f.h. innviðaráðherra
Ólafur Heiðar Helgason, f.h. fjármála- og efnahagsráðherra
Guðrún Ágústa Guðmundsdóttir, f.h. félags- og vinnumarkaðsráðherra
Regína Ásvaldsdóttir, f.h. Sambands íslenskra sveitarfélaga
Fannar Jónasson, f.h. Sambands íslenskra sveitarfélaga
Eyjólfur Árni Rafnsson, f.h. Samtaka atvinnulífsins
Bjarni Þór Sigurðsson, f.h. Alþýðusambands Íslands
Sigríður Ingibjörg Ingadóttir, f.h. BSRB, BHM og KÍ

Ríkisstjórn Katrínar Jakobsdóttur Húsnæðismál Efnahagsmál

Tengdar fréttir

Átakshópur í húsnæðismálum skilar tillögum í apríl

Átakshópur á vegum þjóðhagsráðs verður endurvakinn og á að skila tillögum að lausnum í húsnæðismálum í apríl. Forsætisráðherra segir húsnæðisskort blasa við og grípa þurfi til aðgerða til að auka fraboðið.

12. febrúar 2022 23:46

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir