Kvöld­fréttir Stöðvar 2

Nefnd um eftirlit með lögreglu segir ekki sitt verksvið að endurskoða rannsóknir sakamála. Nefndin hafi því aðeins úrskurðað að meint brot lögreglu í rannsókn á tveimur bændum sem kærðir voru fyrir nauðgun 1987 væru fyrnd. Lögmaður bendir á að stjórnvöld geti ákveðið sanngirnisbætur. Fjallað verður nánar um málið í kvöldfréttum.

Brotist var inn á riststjórnarskrifstofu Mannlífs í dag, tölvum stolið og fréttum eytt. Við ræðum við Reyni Traustason ritstjóra sem segir árásina þaulskipulagða og ræðum við formann Blaðamannafélags Íslands um málið í beinni útsendingu.

Þá lítum við yfir sögulegt ár á fasteignamarkaði og kíkjum í Kattholt þar sem aðeins einn köttur er í heimilisleit en mikill kattaskortur er sagður vera hér á landi.

Þetta og margt fleira á samtengdum rásum Bylgjunnar og Stöðvar 2 klukkan 18:30.