Sara Björk og Árni búin að gefa stráknum sínum nafn

Sara Björk segir frá því á samfélagsmiðlum að strákurinn hafi fengið nafnið Ragnar Frank Árnason.

Íslenski landsliðsfyrirliðinn hefur sett stefnuna á það að vera kominn á fullt þegar Evrópumótið fer fram í Englandi næsta sumar.

Sara Björk er leikmaður franska stórliðsins Olympique Lyon og fyrst á dagskrá hjá henni verður að komst aftur inn á völlinn með Lyon.

Hún hefur alla meðgögnuna leyft aðdáendum sínum að fylgjast með stöðunni á sér og hefur unnið að heimildarmynd með PUMA. Það má búast við að aðdáendur  fái einnig að sjá hvernig henni gengur að snúa aftur inn á völlinn á næstu mánuðum.

Ragnar Frank virðist braggast vel sem eru góðar fréttir. Hér fyrir neðan má sjá tilkynninguna um nafnið hans.