Íslenska liðið fékk aðeins eitt stig í þremur leikjum í undankeppni HM 2022 fyrr í þessum mánuði. Ísland gerði jafntefli við Norður-Makedóníu en tapaði fyrir Rúmeníu og Þýskalandi.

Ísland hefur núna hrapað niður um fjórtán sæti á heimslistanum á þessu ári. Á fyrsta lista ársins voru Íslendingar í 46. sæti en eru núna í því sextugasta.

Íslenska liðið hefur ekki verið jafn neðarlega á heimslistanum síðan í upphafi stjórnartíðar Lars Lagerbäck árið 2012.

Belgía er áfram í efsta sæti heimslistans og Brasilía kemur þar á eftir. England hoppar upp fyrir Frakkland í 3. sætið og er því á meðal þriggja bestu liða heims í fyrsta sinn í níu ár. Danmörk er komið í 10. sætið eftir góð úrslit á þessu ári.

Staða efstu tíu liða á heimslistanum