Innlent

Féll um tíu metra ofan í hús­grunn í Katrínar­túni

Atli Ísleifsson skrifar
Vinnuslysið varð á níunda tímanum í morgun.
Vinnuslysið varð á níunda tímanum í morgun. Vísir/SigurjónÓ

Vinnuslys varð þegar maður féll um tíu metra ofan í húsgrunn við Katrínartún í Reykjavík í morgun.

Þetta staðfestir talsmaður slökkviliðs höfuðborgarsvæðisins í samtali við Vísi, en mbl greindi fyrst frá málinu. Tilkynning barst slökkviliðs um málið klukkan 8:32.

Að sögn slökkviliðs var maðurinn fluttur töluvert slasaður á slysadeild Landspítala.

Slökkvilið sendi sjúkrabíl og slökkviliðsbíl á svæðið, auk körfubíls ef ske kynni að hífa hefði þurft manninn upp. Þess þurfti þó ekki að sögn slökkviliðs.

Vinnuslys Reykjavík Slökkvilið

Mest lesið


Fleiri fréttir

Sjá meira


×

Mest lesið