Erlent

Rússnesk kosning í Sýrlandi

Árni Sæberg skrifar
Bashar as-Assad tók við embætti forseta Sýrlands árið 2000. Hann tók við embættinu af Hafez al-Assad, föður sínum, sem stýrði landinu frá 1971 til 2000.
Bashar as-Assad tók við embætti forseta Sýrlands árið 2000. Hann tók við embættinu af Hafez al-Assad, föður sínum, sem stýrði landinu frá 1971 til 2000. AP/Hassan Ammar

Bashar al-Assad sór embættiseið sem forseti Sýrlands í fjórða sinn í dag. Hann hlaut 95 prósent atkvæða. Erlend stjórnvöld efast um gildi kosninganna. 

Kosningarnar voru aðrar kosningarnar í landinu eftir að mannskæð borgarastyrjöld hófst í Sýrlandi árið 2011. Hartnær hálf milljón manns hefur látist í stríðinu.

Skömmu áður en Assad sór embættiseið við hátíðlega athöfn létust sex, þar af þrjú börn, í loftárás stjórnvalda á Idlib, síðasta vígi stjórnarandstæðinga í landinu. Þetta segir í tilkynningu frá Syrian Observatory for Human Rights, breskri upplýsingaveitu um mannréttindi í Sýrlandi.

Assad sagði við athöfnina að kosningarnar sönnuðu að sýrlenska þjóðin styðji stjórnvöld. „Þær hafa afsannað fullyrðingar vestrænna embættismanna um lögmæti ríkisins,“ sagði hann um kosningarnar.

Kvöldið fyrir kosningarnar, sem haldnar voru 26. maí síðastliðinn, tilkynnntu bandarísk, bresk, frönsk, þýsk og ítölsk að kosningarnar væru „hvorki frjálsar né sanngjarnar.“ Andstæðingar sýrlenskra stjórnvalda kölluðu kosningarnar farsa.

Sýrland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið