Innlent

Meirihluti vill nýju stjórnarskrána

Snorri Másson skrifar
Meirihluti Íslendinga vill nýja stjórnarskrá í anda tillagna stjórnlagaráðs.
Meirihluti Íslendinga vill nýja stjórnarskrá í anda tillagna stjórnlagaráðs. Vísir/Vilhelm

Rúmlega helmingur þjóðarinnar vill að breytingar verði gerðar á stjórnarskrá lýðveldisins í samræmi við tillögur stjórnlagaráðs frá 2011, ef marka má nýjan þjóðarpúls Gallup. Iðulega er vísað til þessara tillagna sem nýju stjórnarskrárinnar.

RÚV greindi frá niðurstöðum Gallup í kvöld.

53% vilja breytingar á stjórnarskrá í samræmi við tillögur stjórnlagaráðs.

18% vilja breytingar á stjórnarskrá, en ekki þær sem stjórnlagaráð lagði til.

13% vilja að stjórnarskráin haldist óbreytt.

16% gátu ekki fallist á neina af þessum fullyrðingum.

Athygli vekur að 90% stuðningsmanna Samfylkingarinnar eru hlynnt nýju stjórnarskránni. Aðeins 18% kjósenda Sjálfstæðisflokks eru hlynnt sömu breytingum, en 25% þeirra vilja aðrar breytingar á stjórnarskrá en þær sem stjórnlagaráð lagði til.

Sitjandi ríkisstjórn hefur ekki náð samkomulagi á þessu kjörtímabili um að ráðast í stjórnarskrárbreytingar, hvorki í samræmi við tillögur stjórnlagaráðs né í annarri mynd. Katrín Jakobsdóttir forsætisráðherra lagði fram frumvarp ein síns liðs en það náði ekki fram að ganga.

Ráðgefandi þjóðaratkvæðagreiðsla um nýja stjórnarskrá fór fram í október 2012. Þátttaka var 48,9% en um 73.000 af 114.000 sem kusu voru fylgjandi því að leggja ætti tillögur stjórnlagaráðs til grundvallar nýrri stjórnarskrá. Það eru um 65%.


Tengdar fréttir

„Þetta er nú meiri ræfildómurinn“

Jóhanna Sigurðardóttir, fyrrverandi forsætisráðherra, vandar ríkisstjórninni ekki kveðjurnar í stöðuuppfærslu sem hún birti á Facebook í gærkvöldi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.