Tvær líkamsárásir í bænum í nótt

Óttar Kolbeinsson Proppé skrifar 10. júlí 2021 07:31

Lögreglan er með líkamsárásirnar til rannsóknar. vísir/vilhelm

Tilkynnt var um tvær líkamsárásir við skemmtistaði í miðbænum í nótt. Fyrir utan þetta fór næturlíf miðborgarinnar að mestu leyti vel fram, að sögn lögreglunnar á höfuðborgarsvæðinu.

Önnur líkamsárásin var tilkynnt klukkan korter yfir eitt í nótt en hin rétt fyrir klukkan hálf fjögur.

Í daglegri tilkynningu frá lögreglu til fjölmiðla þar sem farið er yfir verkefni næturinnar segir að málin séu bæði í rannsókn. Þetta hafi þó verið minniháttar líkamsárásir.

Svo virðist sem enginn hafi verið handtekinn vegna þessara árása í nótt.

Fátt annað var um að vera hjá lögreglunni í nótt, ef marka má tilkynninguna, utan nokkurra ökumanna sem hún stöðvaði og grunar um að hafa ekið undir áhrifum áfengis eða annarra vímuefna.

Tilkynnt var um eignaspjöll á bíl í hverf 108 klukkan hálf eitt í nótt. Það mál er í rannsókn lögreglu.

Lögreglumál Reykjavík Næturlíf

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.