Veður

Víða þung­búið með þoku en rofar til þegar líður á morguninn

Atli Ísleifsson skrifar
Hiti á landinu verður á bilinu tólf til 21 stig, hlýjast austanlands.
Hiti á landinu verður á bilinu tólf til 21 stig, hlýjast austanlands. Vísir/Vilhelm

Það stefnir í breytilega átt í dag, þrír til átta metrar á sekúndu. Þungbúið verður með þoku víða í morgunsárið, en rofar til þegar líður á morguninn.

Í hugleiðingum veðurfræðings á vef Veðurstofunnar segir að það sé þó útlit fyrir skýjað veður á suðurhluta landsins og vætu með köflum suðaustantil. Fyrir norðan er heldur bjartara inn til landsins og líkur á stöku síðdegisskúrum.

Hiti verður á bilinu tólf til 21 stig, hlýjast austanlands.

„Á morgun er útlit fyrir frekar hæga sunnanátt, en þó gæti hvesst á norðanverðu Snæfellsnesi eins og vill gerast í suðlægum áttum. Skýjað og úrkomulítið víða, en þurrt og jafnvel bjart NA-til.

Á miðvikudag gæti orðið nokkuð bjart víða um land, en þegar líður á daginn spáir hægt vaxandi suðvestlægri átt með vætu V-lands um kvöldið og út vikuna er útlit fyrir einhverja vætu um landið S- og V-vert, en þurrt NA-til.“

Veðurhorfur á landinu næstu daga

Á þriðjudag: Suðlæg eða breytileg átt 3-10 m/s og lítilsháttar væta norðvestantil, en annars skýjað með köflum og þurrt að kalla. Hiti 12 til 21 stig, hlýjast austanlands.

Á miðvikudag: Hægt vaxandi suðvestlæg átt og skýjað um landið V-vert, annars bjart með köflum. Suðvestan 5-13 m/s um kvöldið með rigningu vestast. Hiti 14 til 22 stig.

Á fimmtudag: Suðvestan strekkingur, skýjað og rigning sunnantil, en annars bjart að mestu. Hiti 11 til 21 stig, hlýjast A-lands.

Á föstudag: Suðlæg átt og dálítil rigning V-lands, en þurrt annars staðar og bjart norðaustantil. Hiti breytist lítið.

Á laugardag og sunnudag: Útlit fyrir sunnanátt með vætu um landið sunnan- og vestanvert, annars þurrt. Hlýnar heldur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.