Erlent

Átta greindust í Færeyjum í gær

Árni Sæberg skrifar
Óvíst er hvort Norræna verði velkomin til Færeyja á næstunni.
Óvíst er hvort Norræna verði velkomin til Færeyja á næstunni. Smyril Line

Átta kórónuveirusmit greindust í Færeyjum í gær. Landlæknir Færeyja segir veiruna leika lausum hala í samfélaginu.

Búið er að rekja sjö smit en óvitað er hvernig sá áttundi smitaðist. Fimm þeirra smituðu voru utan sóttkvíar.

„Við höfum ekki taumhald á kórónuveirunni í augnablikinu,“ er haft eftir Lars Fodgaard Møller, landlækni Færeyja.

Eins og er eru 43 með kórónuveiruna og 395 í sóttkví í Færeyjum. Í heildina hafa 731 smitast frá þriðja mars í fyrra, þegar veiran barst fyrst til frænda okkar.

Seinna í dag mun farsóttarnefnd Færeyja funda um stöðuna, en landlæknir getur ekki sagt til um hvort Færeyjum verði skellt í lás á ný.

Faraldur kórónuveiru (COVID-19) Færeyjar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið