Stjórnvöld skoða aðra kosti í öflun bóluefnis

Gunnar Reynir Valþórsson skrifar 4. mars 2021 08:56

Katrín segir Íslendinga ekki bundna við samstarf Evrópuríkjanna þegar kemur að bóluefnaöflun. Vísir/Vilhelm Gunnarsson

Katrín Jakobsdóttir forsætisráðherra segir að vandi Evrópusambandsins við öflun bóluefna valdi sér áhyggjum og því skoði íslensk stjórnvöld nú alla kosti í þeim efnum.

Þetta kemur fram í viðtali við Katrínu í Morgunblaðinu í dag. Hún ítrekar þó að ekki standi til að hverfa úr samstarfi Evrópuríkjanna en minnir á að ríkjum sé heimilt að afla sér annarra bóluefna en samið hafi verið um í samstarfinu.

Katrín vill þó ekki greina frá því hvort viðræður séu hafnar við lyfjaframleiðendur um öflun bóluefna umfram það sem þegar hefur verið tryggt í Evrópusamstarfinu. Hún minnir þó á tilraun Íslendinga til að afla sér bólefnis í tengslum við mögulega rannsókn Pfizer, sem ekki varð af, og að slíkum þreifingum verði haldið áfram.

Faraldur kórónuveiru (COVID-19) Bólusetningar Ríkisstjórn Katrínar Jakobsdóttur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.