Þrír í gæsluvarðhald vegna líkamsárásar

Sunna Kristín Hilmarsdóttir skrifar 15. janúar 2021 06:14

Mennirnir eru í gæsluvarðhaldi fram á föstudaginn í næstu viku. Vísir/Vilhelm

Þrír karlmenn á þrítugsaldri voru í gær úrskurðaðir í gæsluvarðhald til 22. janúar á grundvelli vegna líkamsárásar aðfaranótt fimmtudags í miðbæ Reykjavíkur.

Lögreglan á höfuðborgarsvæðinu rannsakar málið og lagði kröfuna fram vegna rannsóknarhagsmuna að því er fram kemur í tilkynningu lögreglu.

Greint var frá árásinni í dagbók lögreglu í gærmorgun. Þar kom fram að þrír hefðu verið handteknir grunaðir um líkamsárás í miðbænum.

Sá sem ráðist var á var fluttur á bráðadeild Landspítalans en hann var með áverka á höndum og víðar. Hann var síðan einnig færður í fangageymslu vegna rannsóknar malsins.

Í tilkynningu lögreglu segir að rannsókn málsins miði vel en ekki sé unnt að veita frekari upplýsingar um gang hennar að svo stöddu.

Lögreglumál Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.