Innlent

Handtekinn grunaður um stórfellda líkamsárás

Tryggvi Páll Tryggvason skrifar
Lögreglan hafði í ýmis horn að líta í gær og í nótt.
Lögreglan hafði í ýmis horn að líta í gær og í nótt. Vísir/Vilhelm

Einn var handtekinn í gærkvöld grunaður um stórfellda líkamsárás í miðborg Reykjavíkur.

Þetta kemur fram í dagbók lögreglu þar sem segir að sá sem var handtekinn hafi veist að manni með hníf með þeim afleiðingum að fórnarlambið hlaut stungusár.

Hinn meinti árásarmaður var handtekinn skömmu síðar og gistir hann nú fangageymslur vegna rannsóknar málsins.

Þá segir einnig í dagbókinni að mikið hafi verið um tilkynningar um hávaða eða ónæði vegna flugelda í öllum hverfum höfuðborgarsvæðiðisins.

Lögregla hafði annars í ýmis horn að líta en skömmu fyrir miðnætti var tilkynnt um innbrot í golfskála í Garðabæ. Sá sem er grunaður um innbrotið var enn á vettvangi þegar lögregu bar að garði.

Þóttist hann vera sofandi. Það dugði þó skammt, enda var hann handtekinn og færður til vistunar í fangageymslu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.