Innlent

Vísbendingar um nýtt kvikuinnskot á Reykjanesi

Sylvía Hall skrifar
Kortið sýnir staðsetningu þeirra kvikuinnskota sem talin eru hafa orðið á árinu á Reykjanesskaga. Líkan staðsetur kvikuinnskotið á um það bil 8 til 13 kílómetra dýpi, sem er líklega við botn jarðskorpunnar en það er talsvert meira dýpi en kvikuinnskotin tvö við Þorbjörn.
Kortið sýnir staðsetningu þeirra kvikuinnskota sem talin eru hafa orðið á árinu á Reykjanesskaga. Líkan staðsetur kvikuinnskotið á um það bil 8 til 13 kílómetra dýpi, sem er líklega við botn jarðskorpunnar en það er talsvert meira dýpi en kvikuinnskotin tvö við Þorbjörn. Veðurstofan

GPS mælingar og nánari úrvinnsla á fyrirliggjandi gögnum gefa vísbendingar um nýtt kvikuinnskot vestast á Reykjanesskaganum undir Rauðhólum og Sýrfelli. Þetta kemur fram á vef Veðurstofu Íslands.

Gögnunum hefur verið safnað í samstarfi Jarðvísindastofnunar Háskólans, ÍSORs, HS-orku og Veðurstofu eftir að landris mældist á Reykjanesskaganum í janúar. Í lok janúarmánaðar var lýst yfir óvissustigi vegna mögulegrar kvikusöfnunar við Þorbjörn.

Kristín Jónsdóttir, hópstjóri náttúruvávöktunar á Veðurstofu Íslands, segir gögnin gefa til kynna að kvikuinnskotið hafi átt sér stað frá því um miðjan febrúar og fram í fyrstu vikuna í mars.

„Þessi mynd skýrðist betur þegar við fengum gögn úr GPS mælingum Háskólans, sem ekki eru beintengdar okkar vöktunarkerfi og það gerir það að verkum að við greinum þetta ekki fyrr en nú“, segir Kristín á vef Veðurstofunnar.

Líkan staðsetur kvikuinnskotið á um það bil 8 til 13 kílómetra dýpi, sem er líklega við botn jarðskorpunnar. Það er talsvert meira dýpi en kvikuinnskotin tvö við Þorbjörn.

Þetta er þriðja kvikuinnskotið sem er greint á Reykjanesskaganum frá því um áramót. Þá er kvikuinnskotið sagt styðja ályktun Vísindaráðs Almannavarna um að nauðsynlegt sé að skoða virknina á Reykjanesskaganum heildstætt en ekki einungis út frá staðbundinni virkni.

Að sögn Kristínar er enn of snemmt að draga sterkar ályktanir og það sé mikilvægt að skoða núverandi virkni í sögulegu samhengi við aðra þekkta atburði á Reykjanesskaganum. Jarðvísindamenn muni halda áfram að fylgjast með gangi mála og vinna frekar úr gögnunum sem liggja fyrir.

Jarðhræringar á Reykjanesi Eldgos og jarðhræringar

Tengdar fréttir

Rekja skjálftahrinu við Þorbjörn mögulega til niðurdælingar

Niðurdæling jarðhitavökva gæti verið hluti af skýringu jarðskjálftahrinu vestan við fjallið Þorbjörn við Grindavík sem hófst í dag. Tveir stærstu skjálftarnir í hrinunni voru yfir þrír að stærð og fundust þeir víða í byggð, meðal annars á höfuðborgarsvæðinu.

Land rís á ný undir Þor­birni

Síðustu daga hefur þensla hafist á ný undir Þorbirni á Reykjanesi, á sömu slóðum og landrisið sem hófst í janúar.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið