Ajax skaust í annað sætið með sigri á PSV

Ajax Amsterdam lagði PSV Eindhoven að velli 2-0 í stórleik dagsins í hollensku knattspyrnunni. Liðið er aðeins stigi á eftir AZ Alkmaar í öðru sæti deildarinnar.

Eftir markalausan fyrri hálfleik gerðu heimamenn í Ajax út um leikinn með tveimur mörkum á sjö mínútna kafla.

Fyrst skoraði Ismail Aissati á 56. mínútu og sjö mínútum síðar fékk liðið vítaspyrnu. Siem de Jon steig á punktinn og skoraði.

Ajax hefur 55 stig í öðru sæti deildarinnar, stigi minna en AZ Alkmaar sem vann fyrr í dag þökk sé marki Jóhanns Berg Guðmundssonar.

PSV er í fjórða sæti með 51 stig.