Ings: Stór stund að skora fyrsta markið fyrir Liverpool

Danny Ings, einn af nýju mönnunum hjá enska úrvalsdeildarliðinu Liverpool, er ánægður með að vera búinn að skora í rauða búningnum.

Ings skoraði annað af tveimur mörkum Liverpool í 2-0 sigri gegn Adelaide United í Ástralíu í nótt, en hann kom til Liverpool frá Burnley í sumar.

„Þetta var risastór stund fyrir mig því það getur verið erfitt að aðlagast hjá nýju liði,“ sagði Ings við heimasíðu Liverpool eftir leikinn.

„Mér fannst ég vera að klúðra nokkrum fínum færum í síðustu leikjum en þarna tók ég færið mitt vel.“

„Þegar þú kejur til félags eins og Liverpool er stærð þess nú bara eitt sem þú þarft að venjast. Ég er bara hæstánægður með að vera búinn að skora mitt fyrsta mark og vonandi verða þau fleiri,“ sagði Danny Ings.