Ayatollah varar Bandaríkjamenn við

Æðsti leiðtogi Íran, Ayatollah Ali Khamenei, varaði bandarísk yfirvöld við því í dag að grípa til aðgerða gegn landinu. Hann sagði slíkt fela í sér afdráttarlaus viðbrögð Írans, án þess að tiltaka hvers væri að vænta.

Bandaríkjamenn hafa sakað írönsk stjórnvöld um að hafa ætlað að myrða sendiherra Saudi-Arabíu í Bandaríkjunum. Bandaríkjamenn komu í veg fyrir tilræðið og handtóku tvo menn sem báðir eru íranskir og í úrvalshersveitum í Íran. Íranir óttast að Bandaríkjamenn muni nota tilræðið til þess að einangra ríkið ennfrekar.

Khomeini sagði í ávarpi sínu að bandarísk stjórnvöld sökuðu Írani um tilræðið til þess að beina athygli frá mótmælunum á Wall Street.