Faraldurinn hefur náð hámarki sínu á Bretlandseyjum að sögn Matts Hancock, heilbrigðisráðherra.
Hancock lét breskan þingheim vita af þessu nú síðdegis en hann tók fram að takmarkanir sem stjórnvöld hefðu sett á almenning til að stemma stigu við faraldrinum séu að virka.
Þrátt fyrir að faraldurinn væri búinn að ná hámarki sé með öllu ótímabært að aflétta takmarkanir. Leggja þyrfti allt kapp á sýnatökur og þá yrði dánartíðni vegna faraldursins að fara verulega niður til að hægt yrði að hyggja á afléttingu takmarkana.
Samkvæmt opinberum tölum hefur veiran hefur dregið 17.337 manns til dauða í Bretlandi og 129.044 einstaklingar hafa smitast síðan faraldurinn kom upp.
Þessar tölur hafa þó verið dregnar í efa af fjölmiðlum. Þannig birti Financial Times frétt í morgun þar sem byggt var á greiningu á upplýsingum frá Hagstofu Bretlands. Er þar fullyrt að dauðsföll af völdum veirunnar séu allt að 41.000 í Bretlandi.
