Innlent

Yfir 800 staðfest smit

Sunna Kristín Hilmarsdóttir skrifar
Staðfestum smitum vegna kórónuveirunnar heldur áfram að fjölga.
Staðfestum smitum vegna kórónuveirunnar heldur áfram að fjölga. Vísir/Vilhelm

Alls hafa nú 802 greinst með kórónuveiruna hér á landi. Hefur smitum því fjölgað um 65 síðastliðinn sólarhring þar sem staðfest smit klukkan 13 í gær voru alls 737. Þetta kemur fram á upplýsingasíðunni covid.is.

Tæplega tíu þúsund manns eru nú í sóttkví en um 2.400 manns hafa lokið sóttkví. Þá hafa um 12.600 sýni verið tekin.

Af þeim 802 sem hafa smitast af veirunni eru nú 734 í einangrun sem þýðir að 68 manns er batnað.

Líkt og undanfarnar vikur verður upplýsingafundur almannavarna og landlæknis í beinni útsendingu hér á Vísi og hefst fundurinn klukkan 14:03.

Víðir Reynisson yfirlögregluþjónn og Þórólfur Guðnason sóttvarnalæknir munu fara yfir stöðu mála með tilliti til COVID-19 hér á landi.

Með þeim verður Thor Aspelund, prófessor í líftölfræði við Háskóla Íslands. Hann mun, ásamt Þórólfi og Víði, ræða reiknilíkan sem tölfræðingar og vísindamenn við HÍ hafa þróað vegna faraldurs COVID-19 hér á landi.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.