Lífið

Fjölskylda Evu Ruzu hafði ekki mikla trú á henni fyrir matarboðið

Stefán Árni Pálsson skrifar
Það gekk töluvert mikið á í aðdraganda matarboðsins. 
Það gekk töluvert mikið á í aðdraganda matarboðsins. 

Eva Laufey Kjaran Hermannsdóttir byrjaði í gærkvöldi með nýjan þátt á Stöð 2 sem nefnist Matarboð með Evu. Fyrstu fjórir gestirnir í þáttunum eru þær Eva Ruza, Júlíana Sara, Viktoría Hermannsdóttir og Hallbera Guðný Gísladóttir.

Í þáttunum byrjar hún að bjóða gesti þáttarins heim til sín upp á Akranes til að kenna þeim að reiða fram dýrindis kvöldmáltíð með öllu tilheyrandi. Gestir þáttanna eiga það sameiginlegt að vera kannski ekki meistarakokkar.

Því næst þarf gesturinn að halda matarboð fyrir vini og vandamenn í heimahúsi og gera allt frá a-ö sjálf. Eva Ruza var fyrsti gesturinn í gærkvöldi og bauð hún fjölskyldu sinni í mat eftir góða leiðsögn frá Evu Laufey.

Hér að neðan má sjá hvernig matarboðið gekk fyrir sig.

Klippa: Fjölskylda Evu Ruzu hafði ekki mikla trú á henni fyrir matarboðið

Hér að neðan má síðan sjá uppskrift sem fylgir öllum þáttum hér á Vísi:

Hvítlauksmarinerað lambalæri

·1 lambalæri, beinlaust

·150 g smjör

·Handfylli steinselja

·Handfylli rósmarín

·4 hvítlauksrif

·1 msk. Ólífuolía

·Salt og nýmalaður pipar

Aðferð:

1.Hitið ofninn í 200°C.

2.Setjið smjör, steinselju, rósmarín, hvítlauksrif, ólífuolíu, salt og pipar í matvinnsluvél og maukið.

3.Nuddið lærinu upp úr hvítlaukssmjörinu og kryddið til með salti og pipar.

4.Eldið lærið í 60 mínútur.

5.Á meðan lærið er í ofninum undirbúið þið meðlætið.

6.Leyfið lærinu að hvíla í lágmark 10 mínútur áður en þið skerið í kjötið og berið fram.

Rótargrænmeti

·2 stórar sætar kartöflur

·½ sellerírót

·5 – 6 gulrætur

·2 – 3 bökunarkartöflur

·Tímían, ferskt smátt saxað

·Salt og pipar

·2 msk ólífuolía

·50 g smjör, skorið í teninga

Aðferð:

1.Skerið allt hráefnið mjög smátt, blandið olíu og kryddum saman og blandið öllu vel saman.

2.Hellið í eldfast mót og setjið nokkrar smjörklípur yfir.

3.Inn í ofn við 200°C í 35 – 40 mínútur.

4.Gott að hræra í einu sinni til tvisvar.

Sveppasósa

·500 ml rjómi 

·2 msk smjör

·300 g blandaðir sveppir (kastaníu og flúða)

·Salt og pipar

·1 tsk tímían, ferskt smátt saxað

·1 pakki piparostur

·1 teningur lambakraftur

·Salt og pipar

Aðferð:

1.Skerið sveppina smátt, hitið smjör í potti og steikið sveppina upp úr smjörinu í smá stund eða þar til þeir eru mjúkir í gegn. Kryddið með salti, pipar og fersku tímían.

2.Rífið niður piparost og bætið honum út í ásamt rjómanum. Leyfið sósunni að malla við vægan hita á meðan osturinn bráðnar.

3.Bætið krafti út í sósuna og smakkið að sjálfsögðu til með salti og pipar.

Smjörsteiktur aspas

·1 búnt aspas, ferskur

·3 msk smjör

·Salt og pipar

Aðferð:

1.Skolið aspasinn og þerrið, skerið trénaða hlutann frá og hitið smjör á pönnu.

2.Steikið aspasinn upp úr smjörinu í nokkrar mínútur og kryddið til með salti og pipar.

Oreo triffli

·500 g rjómaostur

·500 ml rjómi

·5 msk sykur

·2 tsk vanilludropar

·2 tsk vanillusykur

·200 g Oreo kexkökur

·Fersk ber

Aðferð:

1.Stífþeytið rjóma og leggið til hliðar.

2.Þeytið saman rjómaost, sykur og vanillu þar til blandan er orðin silkimjúk og létt í sér.

3.Setjið 8 kökur af Oreo saman við og hrærið þar til það hefur blandast vel við rjómaostinn.

4.Myljið restina af Oreo kökunum mjög fínt og setjið til hliðar.

5.Blandið nú rjómanum saman við með sleikju, og blandið varlega saman.

6.Setjið réttinn saman. Fyrst fer rjómaostablanda og svo fer Oreo mylsna, og þið endurtakið leikinn þar til þið eruð komin með nokkur lög.

7.Skreytið trifflið að vild með ferskum berjum og kælið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.