Slökkvilið á Akureyri var kallað út að fjölbýlishúsi við Hamarstíg nú á þriðja tímanum vegna mikils reyks í íbúð. Samkvæmt upplýsingum frá varðstjóra gleymdist pottur á eldavél með þeim afleiðingum að íbúðin fylltist af reyk.

Enginn var heima í íbúðinni en nágrannar gerðu slökkviliði viðvart þegar þeir heyrðu í reykskynjara. Slökkvilið vinnur nú að reykræstingu. Varðstjóri telur að einhverjar reykskemmdir gætu hafa orðið á íbúðinni.