Einn sjúklingur lést á síðasta sólarhring á Landspítala vegna Covid-19.
Þetta kemur fram á vef Landspítalans. Aðstandendum þess sem lést er vottuð samúð í tilkynningu spítalans.
Alls hafa því 26 látist vegna Covid-19 hér á landi frá upphafi kórónuveirufaraldursins í lok febrúar.
Tíu létust í fyrstu bylgju faraldursins síðasta vetur og sextán hafa látist í þeirri bylgju sem nú gengur yfir.
