„Of mörg símtöl“ vegna barna sem komist hafa í nikótínpúða

Kristín Ólafsdóttir skrifar 9. nóvember 2020 11:34

Nikótínpúðar eru orðnir gríðarvinsælir hér á landi. Stöð 2

Eitrunarmiðstöð Landspítala hvetur fólk til að geyma nikótínpúða þar sem börn ná ekki til. Miðstöðinni hafa borist „of mörg símtöl undanfarið“ vegna barna sem komist hafa í púðana, að því er fram kemur í tilkynningu.

„Nikótín er MJÖG eitrað efni, sérstaklega litlum börnum, og lítið magn getur valdið mjög alvarlegri eitrun. Geymið allar nikótínvörur þar sem börn hvorki ná til né sjá, helst í læstum hirslum,“ segir í tilkynningu Eitrunarmiðstöðvarinnar á vef Landspítala.

Sprenging hefur orðið í vinsældum nikótínpúða síðustu misseri. Fram kom í kvöldfréttum Stöðvar 2 í byrjun september að daglega seljist um átta þúsund dósir af púðunum, samkvæmt markaðsáætlun stærsta innflytjandans. Landlæknisembættið lýsti yfir áhyggjum af notkun púðanna meðal ungs fólk í umfjöllun Stöðvar 2.

Heilbrigðismál Börn og uppeldi Neytendur Áfengi og tóbak Landspítalinn Nikótínpúðar

Tengdar fréttir

Nikótínpúðahraukarnir á Grafarholtsvelli

Ólafur Hand segir kylfinga gleyma sjentilmennskunni á heimavelli.

15. október 2020 14:05

Átta þúsund dósir seljast á hverjum degi

Í árslok 2020 er gert ráð fyrir að mánaðarsala verði um 250 þúsund dósir.

5. september 2020 21:30

Vinsældir nikótínpúða taldar hafa áhrif á sölu neftóbaks

Sala á neftóbaki hefur dregist saman um 36 prósent milli ára.

24. júlí 2020 06:41

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.