Billie Eilish birti mynd­band Lauf­eyjar á Instagram

Bandaríska poppstjarnan Billie Eilish birti í kvöld færslu í story á Instagram þar sem hún deildi myndbandi íslensku söngkonunnar Laufeyjar Línar Jónsdóttur.

Í myndbandinu sést og heyrist Laufey flytja ábreiðu af lagi Eilish, My Future.

Laufey stundar nám við Berklee College of Music í Boston í Bandaríkjunum. Hún hefur tekið þátt í íslensku útgáfunum af söngvakeppnunum The Voice og Ísland Got Talent. Eins vann hún Vælið, söngvakeppni Verzlunarskóla Íslands, árið 2017.

Hér að neðan má sjá færsluna sem Billie Eilish ákvað að deila til yfir 66 milljóna fylgjenda sinna á Instagram.

Eins og áður sagði tók Laufey Lín þátt í Ísland Got Talent, hæfileikaþáttum sem sýndir voru á Stöð 2. Hún tók þátt árið 2014 við nokkuð góðan orðstír. Hér að neðan má sjá hana spila á píanó og syngja lagið Feelin' Good.

Fréttin hefur verið uppfærð en í fyrri útgáfu stóð að Laufey Lín stundaði nám við Berkley í Kaliforníu.