Innlent

Alvarlegt umferðarslys nærri Hnappavöllum

Sylvía Hall og Hallgerður Kolbrún E. Jónsdóttir skrifa
Viðbragðsaðilar voru kallaðir út frá Höfn í Hornafirði og Kirkjubæjarklaustri.
Viðbragðsaðilar voru kallaðir út frá Höfn í Hornafirði og Kirkjubæjarklaustri. Aðsend

Alvarlegt bifhjólaslys varð í Öræfum nærri Hnappavöllum nú á öðrum tímanum í dag. Tilkynning um slysið barst til neyðarlínu klukkan 13:36.

Hermann Marinó Maggýarson, yfirmaður sjúkraflutninga hjá Heilbrigðisstofnun Suðurlands, segir í samtali við fréttastofu að sjúkrabílar hafi verið sendir á vettvang frá Höfn í Hornafirði og frá Kirkjubæjarklaustri. 

Þyrla Landhelgisgæslunnar var kölluð út vegna slyssins en svo afturkölluð áður en hún fór í loftið. 

„Þyrlan var kölluð út vegna alvarlegs umferðarslyss en svo reyndist ekki þörf á þyrlunni og hún var afturkölluð áður en hún fór í loftið,“ segir Ásgeir Erlendsson, upplýsingafulltrúi Landhelgisgæslunnar í samtali við fréttastofu.

Umferð hefur verið stýrt fram hjá vettvangi og má búast við töfum á meðan vinna stendur yfir á vettvangi. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×