Innlent

Má búast við að morgun­um­ferðin verði hæg

Sunna Kristín Hilmarsdóttir skrifar
Það hefur snjóað á höfuðborgarsvæðinu og því vissara að fara varlega í umferðinni og taka sér tíma. Þessi mynd er frá Reykjanesbrautinni í morgun.
Það hefur snjóað á höfuðborgarsvæðinu og því vissara að fara varlega í umferðinni og taka sér tíma. Þessi mynd er frá Reykjanesbrautinni í morgun. Vísir/Vilhelm

Það hefur gengið á með éljum á höfuðborgarsvæðinu í nótt og mun éljagangurinn halda áfram fram eftir morgni.



Það má því búast við því að morgunumferðin verði nokkuð hæg að því er segir í hugleiðingum veðurfræðings á vef Veðurstofu Íslands.



Um hádegi snýst hann í norðaustanátt. Víða verða þrír til átta metrar á sekúndu en átta til þrettán með austurströndinni.



Það er spáð éljum á Austurlandi og síðar einnig norðanlands en styttir upp sunnan og vestan til á landinu.



Víða frostlaust við sjávarsíðuna, einkum með suðurströndinni, en frost tvö til tólf stig inn til landsins, kaldast í innsveitum norðanlands.



Veðurhorfur á landinu:



Austlæg átt 5-10 m/s og él, en þurrt á Norðurlandi. Snýst í norðaustan 5-13 með morgninum með snjókomu eða éljum, fyrst austast, en styttir upp sunnan- og vestan til.



Fremur hæg austlæg átt á morgun en norðaustan 8-13 á Vestfjörðum. Skýjað um norðanvert landið og dálítil él, einkum við ströndina, en bjartviðri syðra. Frost 2 til 10 stig, kaldast í innsveitum norðanlands, en frostlaust við sjávarsíðuna.



Á miðvikudag:

Norðaustan 8-13 m/s norðvestan til, annars hægari norðlæg átt. Él um norðanvert landið, einkum við ströndina, en bjartviðri syðra. Frost víða 0 til 10 stig, kaldast inn til landsins.



Á fimmtudag:

Norðaustan 8-13 á Vestfjörðum en hægari austlæg átt annarsstaðar. Stöku él, en þurrt og bjart vestanlands. Frost víða 3 til 8 stig.



Á föstudag:

Norðlæg átt 5-13 m/s og dálítil él, en léttskýjað um sunnanvert landið. Frost um land allt.



Á laugardag:

Hæg norðlæg átt, skýjað og lítilsháttar él, en bjartviðri sunnan til á landinu. Kalt í veðri.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.