Starfsmaður Landsnets við góða heilsu og kominn af sjúkrahúsi

Hallgerður Kolbrún E. Jónsdóttir skrifar 6. ágúst 2020 13:29

Starfsmaður Landsnets sem fluttur var á sjúkrahús í gær eftir að skammhlaup varð í tengivirkinu á Rangárvöllum er við góða heilsu og er kominn heim af sjúkrahúsi. Þetta kemur fram í tilkynningu á Facebook-síðu Landsnets.

Útleysing spennis í tengivirkinu á Rangárvöllum olli víðtæku rafmagnsleysi í Eyjafirði um hádegi í gær og sagði Einar Einarsson, framkvæmdastjóri stjórnunarsviðs hjá Landsneti, að spennirinn hafi leyst út þegar starfsmaðurinn var við vinnu í tengivirkinu.

Ekki urðu skemmdir á búnaði í tengivirkinu og strax í gær lauk hreinsun og viðgerð. Þegar hefur úttekt á atvikinu verið hafin og munu, að sögn Landsnets, ráðstafanir verða gerðar til að koma í veg fyrir atvik eins og þetta.

Akureyri Dalvíkurbyggð

Tengdar fréttir

Rafmagn komið aftur á í Eyjafirði

Tekist hefur að koma rafmagni á til allra notenda sem urðu fyrir truflun eftir að útleysing spennis í tengivirkinu á Rangárvöllum olli rafmagnsleysi í Eyjafirði

5. ágúst 2020 14:27

Rafmagnslaust á Akureyri og víðar

Rafmagnslaust er á Akureyri, Dalvík og nágrenni eftir útleysingu spennis í tengivirkinu á Rangarávöllum fyrr í dag.

5. ágúst 2020 11:15

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.