Innlent

Fundu amfetamín, tvo hnífa og öxi

Kristín Ólafsdóttir skrifar
Lögreglan á Suðurnesjum.
Lögreglan á Suðurnesjum. Vísir/Vilhelm

Lögregla á Suðurnesjum fann umtalsvert magn af meintu amfetamíni í húsleit sem gerð var í íbúðarhúsnæði í umdæminu fyrr í vikunni. Einnig fundust tveir hnífar og öxi. Í tilkynningu frá lögreglu segir að grunur leiki á að fíkniefnasala hafi farið fram á staðnum. Húsráðandi hafi játað brot sitt að hluta við skýrslutöku.

Þá stöðvaði lögregla ökumann í umdæminu með meint LSD í fórum sínum. Hann var ekki með ökuréttindi og grunaður um akstur undir áhrifum fíkniefna.

Annar karlmaður sem lögregla hafði afskipti af henti frá sér fíkniefnum þegar hann varð var við að lögreglumenn ætluðu að hafa tal af honum, að því er segir í tilkynningu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×