Innlent

Átján stiga hiti í dag

Stefán Ó. Jónsson skrifar
Heitast verður á Vesturlandi og norðvesturhorninu í dag.
Heitast verður á Vesturlandi og norðvesturhorninu í dag. veðurstofa íslands

Austfirðingar mega búa sig undir að sjá lítið til sólar í vikunni ef marka má spákort Veðurstofunnar. Meðfram austur- og suðurströndinni verður jafnframt svalara heldur en í öðrum landshlutum, þar sem jafnvel má búast við 18 stiga hita í dag.

Útlit er fyrir hægan vind á landinu í dag, á bilinu 3 til 8 metra á sekúndu, en þó gæti orðið örlítið hvassara við suðausturströndina og um landið norðvestanvert fram eftir degi. Á sunnan- og vestanverðu landinu má búast við súld, einkum seinnipartinn. Norðaustanlands verður einnig skýjað, en þó þurrt að kalla.

Í öðrum landshlutum sést víða vel til sólar að sögn veðurfræðings. Hitin þar verður á bilinu 12 til 18 stig, en svalara með suður- og austurströndinni þar sem hitinn verður um 7 til 13 stig.

„Meinhægum norðlægum áttum er spáð síðari hluta vikunnar með lítilsháttar vætu hér og hvar, en bjartviðri þess á milli. Víða verður áfram milt í veðri, en svalast um landið austanvert, þar sem sólarstundir þessarar viku gætu orðið öllu færri en annars staðar á landinu,“ að sögn veðurfræðings.

Veðurhorfur á landinu næstu daga

Á fimmtudag:

Norðan 3-8 m/s og víða léttskýjað, en skýjað við A-ströndina og stöku skúrir S-lands. Hiti frá 7 stigum á annesjum NA-lands, að 17 stigum í innsveitum á SV-landi.

Á föstudag:

Norðaustanátt og bjart með köflum, en víða skýjað og úrkomulítið við ströndina S- og A-verða. Líkur á vætu við Faxaflóa. Hiti 6 til 14 stig, mildast á SV-lands.

Á laugardag, sunnudag og mánudag:

Norðlæg átt, skýjað með köflum og dálítil væta af og til. Kólnar í veðri N-lands



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.