Innlent

Skjálfti fjórir að stærð í morgun

Atli Ísleifsson og Margrét Helga Erlingsdóttir skrifa
Frá Siglufirði.
Frá Siglufirði. Vísir/egill

Jarðskjálfti sem mældist fjórir að stærð varð rúma þrjátíu kílómetra norðaustur af Siglufirði klukkan sjö í morgun.

Þetta var þó eini stóri skjálftinn sem mældist í morgun. Alls mældust um fimm hundruð skjálftar frá miðnætti en nær allir undir þremur að stærð.

Bryndís Ýr Gísladóttir, náttúruvársérfræðingur hjá Veðurstofu Íslands, segir að lítillega hafi dregið úr virkni í hrinunni í nótt.

Frá upphafi skjálftahrinunnar 19. júní hafa fimm þúsund skjálftar mælst á Tjörnesbrotabeltinu á Norðurlandi.

„Þrír skjálftar yfir 5 að stærð hafa mælst í hrinunni, sá stærsti á sunnudagskvöldið kl. 19:07 af stærð 5,8 rúma 30 km NNA af Siglufirði. Aðrir skjálftar yfir 5 að stærð voru 5,6 og 5,4 að stærð og voru staðsettir rúma 20 km NA af Siglufirði.

Enn mælist mikið af minni skjálftum á svæðinu og áfram eru líkur á því að fleiri stærri skjálftar muni verða,“ segir á vef Veðurstofunnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×