Segir frá mismunun vegna húðflúra

Maður frá Bakersfield í Kaliforníufylki í Bandaríkjunum segir að sér hafi verið mismunað vegna húðflúra sem hann er með.

Í samatali við fréttastofu Bakersfield News segir Bill Roach frá því að hann hafi ekki fengið starf í heilbrigðisgeiranum útaf því að hann er með mörg húðflúr, meðal annars á hálsinum. Honum þykir þetta ósanngjarnt og hyggst skrifa þingmönnum bréf vegna málsins, þar sem hann ætlar að fara fram á að lög verði sett sem komi í veg fyrir mismunun vegna húðflúra.

„Ég er stoltur af húðflúrinu mínu. Á hægri handleggnum er til dæmis ekkert nema tónlist, þú veist, lög," segir hann og bætir við að á hálsi hans séu varir konunnar hans og fótspor fyrsta barnsins hans flúruð á háls hans. Hann segir frá því að hann hafi sótt um starf hjá einkafyrirtæki sem starfi í heilbrigðisgeiranum. Hann tók próf hjá fyrirtækinu og stóðst það, en fékk - að eigin sögn - ekki að koma í starfsviðtal vegna þess hversu tattúveraður hann er.

Í samtali við Bakerfield News segir ráðgjafi í starfsmannamálum að allar gjörðir hafi afleiðingar. Holly Culhane segir að þetta sé vandamál sem fólk með húðflúr standi frammi fyrir á hverjum degi. Hún bendir fólki á að spyrja fyrir um stefnu fyrirtækja þegar kemur að húðflúri.

Roach segist einmitt hafa gert það, sýnt starfsmanni fyrirtækisins öllu tattúin og segir starfsmanninn hafa hvatt sig til að taka prófið sem fyrirtækið lagði fyrir hann.

„Ég held að það síðasta sem fólk hugsi um þegar fjölskyldumeðlimur þess er í hættu, sé hvort að sá sem annist hann sé með húðflúr."

Hér að neðan má sjá sjónvarpsfrétt um málið.